以賽亞書 第 1 章 - 台語漢字羅馬本

1

當烏西亞、約坦、亞哈斯、希西家做猶大王的時，亞摩斯的子以賽亞，所得著論猶大及耶路撒冷的默示。

2

天啊，著聽！地啊，著俯耳孔！因為耶和華有講：我曾養飼子兒，培養大漢，竟然悖逆我。

3

牛識伊的主人，驢識伊的主人的槽，總是以色列呣識；我的百姓曉想。

4

嗐啊！犯罪的國，背罪的百姓；行歹的種類，敗壞的子兒！離開耶和華，看輕以色列的聖者，及伊生疏，越倒轉去。

5

恁沓沓悖逆，是愛閣受拍嗎？滿頭殼已經痛疼，滿心衰弱。

6

對腳跡底到頭殼頂，無一塊好肉，攏是傷嘴、黑青腫，及新拍的傷，攏未有收嘴，未有包密，也無用油潤澤。

7

恁的地已經拋荒；恁的城受火燒毀。恁的田園佇恁的面前互外邦人所深吞，已經拋荒親像互外邦人所敗壞的。

8

只有留錫安城，親像葡萄園的草寮，瓜仔田的草厝，受圍困的城。

9

若呣是萬軍的耶和華給咱留淡薄剩的百姓，咱就已經親像所多瑪、親像蛾摩拉一樣。

10

恁所多瑪的官長啊，著聽耶和華的話！恁蛾摩拉的百姓啊，著俯耳孔聽咱的上帝的教示！

11

耶和華講：恁獻許多祭物互我，有甚麼利益？公綿羊的燒祭及肥的精牲的油，我已經飽厭啦；牛的血，羊仔的血，山羊的血，我攏無歡喜。

12

恁來朝見我，是誰對恁討此個，來　踏我的院啊？

13

莫得閣獻空空的禮物。香料是我所厭惡的；月的初一、安息日，召集的聚會，是行歹，守嚴肅會，我住。

14

恁逐月的初一及節期，我的心怨恨，看伊做重擔；互我擔起。

15

恁抬起手，我欲掩目睭呣看恁；恁多多祈禱，我也呣聽。恁的手滿滿人的血。

16

恁著洗、來家己清氣，對我的目睭前除去恁所行的歹，息恁的做歹，

17

學習行好，尋公平，拯救受壓制的；給無父的子伸冤，為守寡人辯護。

18

耶和華講：恁來，咱相及辯論。恁的罪雖然親像朱紅，欲變白親像雪；雖然紅親像胭脂，欲白親像羊毛。

19

恁若甘心聽趁，欲得著食地上的好物，

20

若呣聽趁，反轉悖逆，欲受刀劍吞滅。因為耶和華親嘴講伊。

21

嗐啊，忠信的城變做娼妓！從前充滿公平，公義踮彼內面，現今是兇手徛起。

22

你的銀變做渣滓；你的酒透水。

23

你的官長犯法，及賊鬥伴，逐個愛受賄賂，數想謝禮。無為著無父的子伸冤；守寡人的案件得著到伊的面前。

24

因為按呢，主──萬軍的耶和華、以色列的英雄者講：呼！我欲除我的仇讎互家己卡會安得，欲對我的對敵來報讎。

25

我欲閣下手佇你的身上，一盡鍛煉你的渣滓，除清你的雜質。

26

我欲閣設立你的審判官，親像起頭，設立你的謀士，親像早日。然後，你欲稱做公義的城，忠信的城。

27

錫安欲因為公平得著救贖；倒轉來的人欲因為公義得著救贖。

28

悖逆者及犯罪者欲做一下敗壞；放拺耶和華者的確消滅。

29

許個人欲因為恁所歡喜的橡樹來漏氣；恁欲因為所揀的園來見笑。

30

因為，恁欲親像葉乾去的橡樹，欲親像無水的園。

31

有權勢的欲親像麻屑；伊的所做親像火星，攏做一下，無人拍熄。