何西阿書 第 3 章 - 台語漢字羅馬本

1

耶和華對我講：「你著閣去疼婦仁人，是淫婦，也是伊相好的人所疼者；親像耶和華疼以色列人，總是偏向別個上帝，歡喜葡萄干餅。」

2

我就用銀十五舍客勒，大麥一賀梅珥，閣半賀梅珥，買伊歸我。

3

我對伊講：「你著為我家己住多多日，呣通行淫，也呣通隨別人，我對佇你也欲按呢。」

4

因為以色列也欲家己住多多日，無君王，無首領，無祭祀，無雕刻的柱，無以弗得，無家內的偶像。

5

後來以色列人欲越轉，來尋的上帝──耶和華及的王大衛。日後欲用驚畏向耶和華，及伊的恩惠。