何西阿書 第 2 章 - 台語漢字羅馬本

1

著對恁的兄弟講阿米，閣對恁的姊妹講路哈瑪。

2

著及恁老母辯論閣辯論；因為伊呣是我的某，我也呣是伊的丈夫。教伊除去面裡的淫亂及伊胸坎的淫行，

3

免得我給伊褪光光，互伊親像抵仔出世的日，互伊親像曠野，親像乾燥的地，互伊對嘴乾來死。

4

我無欲憐憫伊的子，因為是對淫亂生的子。

5

因為的老母行淫亂，懷孕者做出見誚事，因為伊講：我欲隨我所戀愛的人；我的餅，水，羊毛，麻，油及我所飲的，攏是互我。

6

看啊，因為按呢，我欲用莿仔阻塞伊的路，築牆互伊尋無伊的路。

7

伊欲追所戀愛的人，若是著；伊欲尋，總是尋著，就講：我欲倒去尋我的本夫，因為我彼時的景況比現今猶卡好。

8

伊呣知伊的五穀、酒、油是我互伊，加添伊的銀及金的，也是我；伊用諸個服事巴力。

9

所以到收割的日，我欲將我的五穀對提倒轉，閣佇出酒的時，欲將我的新酒提倒轉，也欲將我互伊通遮赤體的羊毛及麻搶倒轉。

10

今我欲佇伊所戀愛的人的目睭前露出伊的淫行；的確無人會救伊脫離我的手。

11

我欲息許個宴樂、節筵、月的初一、安息日，及攏總的節期。

12

我也欲毀壞伊的葡萄樹及無花果樹，就是講「這是許個戀愛我者互我的禮數」。我欲互許個變做樹林，互野獸食伊。

13

伊前日燒香服事諸個巴力，閣用耳及別號首飾家己妝飾，隨伊相戀愛的人，來記得我，因為按呢我欲辦伊。這是耶和華講的。

14

看啊，我欲招呼伊，導伊到曠野，用話安慰伊。

15

我也欲對遐賞賜伊葡萄園，閣賞賜伊亞割的山谷做向望的門。伊欲佇遐應聲，及少年的日無各樣，及對埃及地上來的日相同。

16

耶和華講：「當彼日你欲叫我講，我的丈夫啊，無閣叫我講，我的主啊；

17

因為我欲對的嘴除去諸個巴力的名，無閣用此個名紀念伊。

18

當彼日，我欲為著，及田野的走獸及空中的飛鳥，以及地上的蟲　立約；我也欲對此個地方遏折弓刀，交戰，互安然倒睏。

19

我欲聘定你永遠歸佇我，閣我欲用公義、公平、慈愛、憐憫聘定你歸我；

20

我也欲用誠實聘定你歸我，你就欲識耶和華。

21

耶和華講：彼日我欲應答，我欲應答天，天欲應答地；

22

地欲應答五穀、酒、油，諸個欲應答耶斯列。

23

我欲為家己栽種伊佇此個地。平素無得著憐憫者，我欲憐憫伊；呣是我的百姓者，我欲對伊講：你是我的百姓，伊也欲講，你是我的上帝。」