創世記 第 44 章 - 台語漢字羅馬本

1

約瑟吩咐管家者講：「將米糧入滿諸個人的布袋，盡所會帶的，閣將逐人的銀橐佇伊的布袋口，

2

亦將我的杯就是彼塊銀杯下佇少年者的布袋口，伊糴五穀的銀亦續下。」管家者就照約瑟所講的話去行。

3

天一下光就差許個人及的驢去。

4

出城行無偌遠，約瑟給管家者講：「起來，去追許個人，追著就給講：『恁啥事用歹報好啊？

5

這豈呣是我的主人飲酒的杯嗎？豈呣是伊占卜用的嗎？恁按呢做是歹。』」

6

管家者追著，將諸個話給講。

7

應講：「我的主啥事講此號話？你的奴僕斷斷無做此號事。

8

你看，阮前佇布袋口所看見的銀，尚且對迦南地帶來還你；阮豈可會對你主人的家偷提金銀啊？

9

你的奴僕的中間無論佇甚麼人遐搜著，就互伊死，阮亦欲做我的主人的奴僕。」

10

管家者講：「今就照恁的話行！佇甚麼人遐搜著，彼人就做我的奴僕；其餘的攏無罪。」

11

對彼霎逐人趕緊將布袋卸佇土腳，逐人解開的布袋。

12

管家者就搜，對大的起到細的止，彼個杯竟然佇便雅憫的布袋內搜著。

13

就拆裂的衫，逐人將的物互驢載，倒去城內。

14

猶大及伊的兄到約瑟的厝，約瑟猶佇遐，就佇伊的面前仆落地。

15

約瑟給講：「恁所做的是甚麼事？恁豈呣知親像我此號的人會占卜嗎？」

16

猶大講：「阮對我的主欲講甚麼？猶有啥話通講？阮豈會家己說明啊？上帝已經查出你的奴僕的罪過。阮及彼個佇伊的手搜著杯的攏是我的主的奴僕。」

17

約瑟講：「我斷斷無欲按呢做！佇甚麼人的手搜著杯，彼人就著做我的奴僕；恁諸個！通平安上去恁老父遐。」

18

猶大倚近伊，講：「我的主啊，求你容允你的奴僕講一句話互我的主聽，莫得受氣你的奴僕，因為你及法老一樣。

19

我的主曾問你諸個奴僕講：『恁有老父有兄弟無？』

20

阮給我的主講：『阮有老父，已經年老，猶有伊年老所生一個煞尾子。伊的兄已經死，伊的老母干單放伊一個，閣伊的老父真疼伊。』

21

你給你的奴僕講：『導伊落來我遮，互我親目看見伊。』

22

阮給我的主講：『囝仔會離開伊的老父，若離開伊的老父，老父的確死。』

23

你給你的奴僕講：『恁的煞尾小弟若無及恁相及落來，恁就得閣見我的面。』

24

阮上到你的奴僕──阮老父遐，就將我的主的話給伊講。

25

阮的老父講：『恁閣去給咱糴淡薄米糧來。』

26

阮就講：『阮會落去。阮的煞尾小弟若及阮相及去，阮就欲落去。因為，煞尾小弟若無及阮相及去，阮的確得見彼人的面。』

27

你的奴僕──我的老父給阮講：『恁知我的某給我生二個子。

28

一個離開我出去；我講伊的確是互野獸拆碎，到今我猶呣曾看見。

29

今恁閣將此個導去離開我，若伊抵著陷害，就是恁互我白頭毛、淒慘落陰府。』

30

阮老父的生命及此個囝仔的生命生相連。今我倒去你的奴僕──我的老父遐，若囝仔無及阮相及佇，

31

阮的老父看無囝仔，伊就的確死。這就是阮互你的奴僕──阮的老父白頭毛、淒慘落陰府。

32

因為你的奴僕曾對我的老父保此個囝仔，講：『我若無導伊倒來交你，我願佇老父的面前一生擔當罪。』

33

今求你容允你的奴僕踮，替此個囝仔做我的主的奴僕，互囝仔及伊許個兄相及上去。

34

若囝仔無及我相及去，我豈可會上去見我的老父啊？驚了我看見阮老父所抵著的災禍。」