出埃及記 第 36 章 - 台語漢字羅馬本

1

比撒列及亞何利亞伯，及攏總心有智慧的人，就是得著耶和華賞賜智慧聰明、互知做聖所逐樣路用的工的，攏著照耶和華所吩咐的做工。」

2

摩西召比撒列、亞何利亞伯及見若心有智慧的人來，就是耶和華用智慧賞賜的心，心受感動來做工者。

3

對摩西提一切的禮物，就是以色列人為著做聖所及內面所用的物提來的。百姓逐早起猶原用甘心獻的禮物提來互伊。

4

見若做聖所的工諸個有智慧的人攏暫停所做的工，

5

來對摩西講：「百姓所提來的比耶和華命令做的工所著用的料，過額有剩。」

6

摩西出命，就宣佈佇全營講：「無論男女，莫得閣做甚麼來獻互聖所。」對按呢阻止百姓無閣提來。

7

因為所有的材料夠額通做一切所著做諸個工，續有剩。

8

中間，見若心有智慧做工者，用十幅的帳做會幕。諸個帳是用過紡的幼苧及藍色、紫色、朱紅色的料，也用奇巧的工織成兵做伊。

9

每幅帳長二十八肘，闊四肘，帳攏是一樣的寸尺。

10

此五幅帳伊創互逐幅相連，彼五幅帳也逐幅相連；

11

佇此個相連的帳路尾幅的邊仔做藍色的紐襻，佇彼個相連的帳路尾幅的邊仔也按呢做；

12

伊佇此領帳做五十個紐襻，閣佇第二領帳相連的邊仔也做五十個紐襻，紐襻攏二個二個相對；

13

閣做五十個金，用伊來互帳相連。就成做一個會幕。

14

伊閣用山羊毛織十一幅的帳，做會幕頂的布棚。

15

每幅帳長三十肘，闊四肘；十一幅帳攏一樣的寸尺。

16

將五幅帳連做一幅，閣將六幅帳連做一幅；

17

佇此個相連的帳路尾幅的邊仔，伊做五十個紐襻，佇彼個相連路尾幅的邊仔也做五十個紐襻；

18

伊閣做五十個銅，互布棚連做一個；

19

閣用染紅的羊皮做布棚的蓋，閣用海狗皮掛佇頂面。

20

伊用皂莢柴做會幕豎的板。

21

豎的板長十肘，闊一肘半；

22

逐塊板有二個榫相排。會幕一切的板攏照按呢做。

23

伊做會幕的板，南旁的南勢二十塊板。

24

佇諸個二十塊板的下面做四十個銀臼：一塊板的下面有二個臼來穿伊二支榫，閣一塊板的下面也有二個臼來穿伊二支榫。

25

會幕第二面，就是北面，也做板二十塊，

26

及的銀臼四十個：此個板的下面有二個臼，彼個板的下面也有二個臼。

27

會幕的後面，就是西面，也做六塊板。

28

會幕後面的二個角頭做二塊板。

29

板的下長，二個相同，直到頂面第一個環攏是完整的；二個角頭的板攏是按呢做。

30

有八個板及十六個銀臼，逐塊板的下面有二個臼。

31

伊用皂莢柴做橫楗：為著會幕此旁的板做五支，

32

為著會幕彼旁的板做五支，閣為著會幕後西面的板做五支，

33

板的對中彼支橫楗互伊對此頭到彼頭。

34

板用金包，閣做板的金環來套楗；楗也用金包。

35

閣用藍色、紫色、朱紅色的料，及過紡的幼苧織帳簾，此個帳簾用奇巧的工織成兵來做的。

36

閣用皂莢柴為著伊做四支柱，用金包伊，的是金的，閣為著鑄四個銀臼。

37

用藍色、紫色、朱紅色的料，及過紡的幼苧，用　花的工做布棚門的門簾；及伊五支柱，

38

及的，的柱枓及橫杆用金包伊，彼五個臼是銅的。