出埃及記 第 34 章 - 台語漢字羅馬本

1

耶和華對摩西講：「你拍二塊石碑，及以前的相同，你前所拍破許個碑；彼頂面的字我欲寫佇諸個碑。

2

明仔早起，你著備辦便，透早你著上西奈山，佇遐佇山尾溜徛佇我面前。

3

呣通有人及你上來，遍山攏呣通看見有人，佇山腳也呣通互牛群羊群食草。」

4

伊就拍二塊石碑，及以前的相同。摩西透早起來，照耶和華所吩咐伊的上去西奈山，手裡提二塊石碑。

5

耶和華坐雲臨到，及伊徛佇遐，宣佈耶和華的名。

6

耶和華對伊的面前經過宣佈講：「耶和華，耶和華，是有憐憫有恩典的上帝，無快受氣，閣有豐盛的慈愛及誠實，

7

為千萬人存慈愛，赦免罪過、過失，及罪惡，決斷無掠有罪者做無罪，欲歸咎伊的罪，對父到子、到孫，到三、四代。」

8

摩西緊緊俯落地敬拜，講：

9

「主啊，我若得著恩典佇你的面前，求主佇阮中間相及行，因為這是頷頸硬的百姓。閣求你赦免阮的罪過及阮的罪惡，掠阮做你的產業。」

10

耶和華講：「看啊，我欲立約，欲佇你眾百姓的面前行奇妙的事，是天下萬國中所未曾行的。佇你四圍的眾百姓就欲看見耶和華的所做，因為我對你所行的是通驚的事。

11

「我今仔日所吩咐你的，你著執守。看啊，我欲對你的面前趕出亞摩利、迦南、赫、比利洗、希未、耶布斯許個族。

12

你家己謹慎，呣通及你所去彼所在徛起的百姓立約，驚了成做恁中間的羅網；

13

就是著拆的祭壇，拍碎雕刻的柱，剉的亞舍拉。

14

呣通敬拜別個上帝；因為耶和華的名稱做獨尊，伊是獨尊的上帝。

15

驚了你及彼所在徛起的百姓立約，隨的上帝行邪淫，祭祀的上帝，有人叫你，你就食伊的祭物，

16

閣驚了你給你的子娶的查某子做某，的查某子隨的上帝行邪淫，互你的子也隨的上帝行邪淫。

17

「你呣通為家己鑄造諸個上帝。

18

「你著守除酵節，照我所吩咐你的，佇亞筆月內所定著的日期食無酵餅七日，因為你佇亞筆月內出埃及。

19

見若頭胎的攏是我的；一切的精牲頭水的，無論是牛是羊，公的攏是我的。

20

頭水的驢著用羊仔替贖，若無替贖就著摃折伊的頷頸。見若你頭上的子攏著贖回。人來見我呣通空手。」

21

「你六日著做工，第七日著安息，佇栽種收割的時也著安息。

22

麥起頭熟收割的時著守七七日節；閣佇年尾著守收囥的節。

23

恁一切的查甫丁著一年三擺來見主耶和華──以色列的上帝。

24

我欲對你的面前趕出外邦人，開闊你的境界。你一年三擺上去見耶和華──你的上帝的時，的確無人貪你的土地。」

25

「你呣通將我的牲禮的血參有酵的物來獻。過節的祭物也呣通留到過早起。

26

地裡第一起頭熟的物著送到耶和華──你的上帝的厝。煮山羊仔呣通用伊的母的奶。」

27

耶和華對摩西講：「你著寫諸個話，因為我是照諸個話及你以及以色列立約。」

28

摩西及耶和華佇遐四十日四十暝，無食餅無飲水。伊將此個約的話，就是十條誡，寫佇二塊碑。

29

摩西落西奈山的時伊的手提二塊約碑，伊落山的時伊的面因為耶和華及伊講話就射出光摩西家己呣知。

30

亞倫及以色列眾人看見摩西的時，看啊，伊的面射出光就驚呣敢倚近伊。

31

摩西叫來；亞倫及會中諸個頭人就攏倒轉到伊遐，摩西就及講話。

32

然後以色列眾人攏進前來，伊就將耶和華佇西奈山及伊所講一切的話攏吩咐。

33

摩西及講話明白就用帕罩面。

34

總是摩西入去耶和華面前及伊講話，帕就掀起來到伊出來，伊出來的時就將耶和華所吩咐的給以色列人講。

35

以色列人看見摩西的面，摩西的面射出光。摩西閣用帕罩面，聽候到伊入去及耶和華講話帕就掀起來。