出埃及記 第 15 章 - 台語漢字羅馬本

1

彼時，摩西及以色列人唱此個歌謳咾耶和華，講：我欲唱歌謳咾耶和華，因為伊至高至大，將馬及騎馬者佇海中。

2

耶和華是我的氣力，是我的詩歌，也是做我拯救的主。伊是我的上帝，我欲謳咾伊，是我的父的上帝，我欲尊伊做大。

3

耶和華是戰士；伊的名是耶和華。

4

法老的車、及伊的軍兵，耶和華伊佇海中；伊特別揀的軍長攏沈佇紅海。

5

深淵蓋；親像石頭墜到深的所在。

6

耶和華啊，你的正手展出能力，得著榮光；耶和華啊，你的正手拍碎對敵。

7

你發出大威嚴，捙倒許個起來攻擊你者；你發出大受氣，燒毀親像燒草。

8

你發出鼻中的氣，水就愈淐愈高，大水徛起來親像歸堆，海中的深水堅定。

9

對敵講：我欲追，我欲著；我欲分所搶的物，我欲佇來足我的心願。我欲拔刀，我的手欲滅。

10

你一下歕風，海就蓋密；親像鉛沈佇大水中。

11

耶和華啊，諸個上帝的中間，是誰會親像你？是誰親像你──至聖通榮光，威嚴通謳咾，行出奇事？

12

你伸出正手，地就吞滅。

13

你用你的慈愛，導你所救贖的百姓；你用你的權能，導入你聖的所在。

14

列邦聽見就愕愕惙，徛起佇非利士地的抵著痛苦。

15

彼時，以東的族長卬愕，摩押英雄的人致到愕愕惙，迦南地徛起的百姓心攏消溶。

16

卬愕驚惶到佇。耶和華啊，因為你的手的大權能，定定親像石頭，聽候你的百姓經過，聽候你所得著的百姓過去。

17

你欲導入去，栽培佇你的產業的山──耶和華啊，就是你為家己所備辦徛起的所在，主啊，就是你的手所建立的聖所。

18

耶和華欲做王，直到永遠！

19

因為法老的馬、及伊的車，伊的馬兵到佇海中，耶和華互海水反流，淹密；獨獨以色列人佇海中行乾地。

20

亞倫的大姊，女先知米利暗，手裡抬鈴瓏鼓；眾婦女也隨伊出去，抬鈴瓏鼓跳舞。

21

米利暗和所唱的講：恁著唱歌謳咾耶和華，因為伊至高至大，將馬及騎馬者佇海中。

22

摩西導以色列人對紅海進前行，出去到書珥的曠野，佇曠野行三日，尋無水。

23

到瑪拉的時，瑪拉的水飲得；因為水苦，所以名彼個地叫瑪拉。

24

百姓就對摩西哀怨，講：「阮欲飲甚麼啊？」

25

摩西求叫耶和華，耶和華指示伊一欉樹。伊就伊佇水裡，水就變甘。伊佇遐為定律例、法度，佇遐試驗；

26

閣講：「你若致意聽耶和華──你的上帝的聲，閣行伊所看做合宜的事，留心聽伊的誡命，守伊一切的律例，就我互埃及人所抵著的破病，的確無互你抵著，因為我──耶和華是醫治你者。」

27

到以琳，佇遐有十二個水泉，七十欉的棗樹；就佇遐的水邊紮營。