撒母耳記下 第 5 章 - 台語漢字羅馬本

1

當時以色列眾支派到希伯崙見大衛，講：「看啊，阮是你的骨肉。

2

前掃羅做阮的王的時，導以色列出入的是你；耶和華也曾給你講：『你欲照顧我的百姓以色列，也欲做以色列的君王。』」

3

對按呢以色列的長老攏來希伯崙見王，大衛王佇希伯崙耶和華的面前及立約，就用油抹大衛做以色列的王。

4

大衛坐位的時三十歲，伊坐位四十年；

5

佇希伯崙做猶大王七年閣六月日，佇耶路撒冷做通以色列及猶大的王三十三年。

6

王及隨伊的人來到耶路撒冷，欲攻擊徛起彼所在的耶布斯人。對大衛講：「你若無除諸個睛暝的、跛腳的，就入此所在」；拍算大衛決斷入遮。

7

總是大衛攻擊錫安的衛所，這就是大衛的城。

8

當彼日，大衛講：「是誰拍耶布斯人，著對水溝上去拍大衛的心所怨恨跛腳的、睛暝的。」對按呢有俗語講：「有睛暝、跛腳的，人會入厝。」

9

大衛踮佇衛所，稱彼所在做大衛的城。大衛對米羅四圍起造，也向內面。

10

大衛愈久愈強盛，因為耶和華──萬軍的上帝及伊佇。

11

推羅王希蘭差使者帶柏香柴及木匠、石匠到大衛遐，給大衛起厝。

12

大衛知耶和華定著設立伊做以色列王，閣為著伊的百姓以色列來興起伊的國。

13

大衛對希伯崙來了後，對耶路撒冷閣立后妃，大衛閣生子、查某子。

14

佇耶路撒冷所生的子就是沙某亞、朔罷、拿單、所羅門、

15

益轄、以利書亞、尼斐、雅非亞、

16

以利沙瑪、以利雅大、以利法列。

17

非利士人聽見人用油抹大衛做以色列王，非利士的眾人就上來數想大衛；大衛聽見，就落去到營寨。

18

非利士人已經來，佈置佇利乏音的山谷。

19

大衛問耶和華講：「我通上去攻非利士人嗎？你欲將交佇我的手嗎？」耶和華給大衛講：「你通上去，因為我的確欲將非利士人交佇你的手。」

20

大衛來到巴力毗拉心，大衛佇遐拍，講：「耶和華佇我的面前沖散我的對敵，親像水的沖散一樣。」所以名彼所在做巴力毗拉心。

21

棄拺的偶像佇遐，大衛及隨伊的人拾伊去。

22

非利士人閣上來，佈置佇利乏音的山谷。

23

大衛問耶和華；耶和華講：「呣通直直上去，著彎到的後面，對桑材樹對面拍。

24

你聽見佇桑材樹尾有腳步聲，就著趕緊進行，因為彼時耶和華已經對恁的頭前出去攻擊非利士人的軍隊。」

25

大衛就照耶和華所吩咐的去行，攻擊非利士人，對迦巴到基色。