撒母耳記下 第 23 章 - 台語漢字羅馬本

1

大衛結尾的話排列佇下底。耶西的子大衛講得著升高的人，是雅各的上帝所抹油的，佇以色列做歌者的講：

2

耶和華的神用我來講：伊的話佇我的舌。

3

以色列的上帝有講，以色列的石磐對我講：用公義治理人，敬畏上帝來治理的，

4

伊欲親像透早日抵仔出的光，無雲的清早，雨落過身的光彩，互地發幼幼的草。

5

我的家佇上帝的面前呣是按呢；猶久伊有及我立永遠的約。無呣照次序排列閣堅固，雖然伊無互伊生長，這就是我一切的拯救，一切的意願。

6

總是匪類攏親像莿仔欲受割拺：人呣敢用手提伊；

7

欲摸伊的人著用鐵器及槍柄，佇伊的所在欲互火一盡燒去。

8

大衛勇士的名記佇下底：軍長的頭，他革捫人約設巴設，就是伊斯尼人亞底羅，一時拍死八百人。

9

閣一個是亞合人朵多的子以利亞撒。前非利士人聚集欲交戰，以色列人已經去，有三個勇士隨大衛對非利士人討戰，伊是中間的一個。

10

伊起來拍非利士人，到手酸，手及劍相粘。彼日耶和華大大卡贏；眾百姓越轉佇伊的後面，顧搶物若定。

11

閣一個是哈拉人亞基的子沙瑪。有一日，非利士人聚集成陣，佇一區紅豆的園，百姓就佇非利士人的面前逃走。

12

伊擋住佇彼區園，來保守伊，拍非利士人，耶和華大大卡贏。

13

收割的時，三十個首領中有三人落去到亞杜蘭洞見大衛。非利士人的軍兵紮營佇利乏音的山谷。

14

彼時大衛佇山寨，非利士人防守的兵佇伯利恆。

15

大衛欣羨，講：「是誰會用伯利恆城門邊的井水互我飲？」

16

此三個勇士就衝過非利士人的營盤，對伯利恆城門邊的井汲水，涫來互大衛。總是伊呣甘飲，就傾佇耶和華的面前，

17

講：「耶和華啊，我決斷呣做按呢；此豈呣是拼命去的人的血。」所以伊呣飲。此三個大勇士有做諸個代誌。

18

洗魯雅的子、約押的小弟亞比篩是做三個勇士的頭人；伊抬伊的槍拍死三百人，就佇三個勇士中有名。

19

伊豈呣是三個勇士中的第一尊貴的嗎？所以做的頭，總是不及前三個勇士。

20

閣有甲設人大勇士耶何耶大的子比拿雅，伊有行出多多大事；伊死摩押人亞利伊勒二個子，閣佇落雪的時落坑內，死一隻獅，

21

閣死埃及一個大漢人；埃及人手裡抬槍，比拿雅只有抬槌落去伊遐，搶埃及人手裡的槍，用彼支槍給伊　死。

22

這是耶何耶大的子比拿雅所行的事，就佇三個勇士中得著名。

23

伊比三十個勇士卡尊貴，總是不及前三個勇士。大衛設立伊做伊的侍衛長。

24

三十個勇士中有約押的小弟亞撒黑；閣有伯利恆人朵多的子伊勒哈難，

25

哈律人沙瑪，哈律人以利加，

26

帕勒提人希利斯，提哥亞人益吉的子以拉，

27

亞拿突人亞比以謝，戶沙人米本乃，

28

亞合人撒們，尼陀法人瑪哈萊，

29

尼陀法人巴拿的子希立，便雅憫族、基比亞人利拜的子以太；

30

比拉頓人比拿雅，迦實溪人希太；

31

伯亞拉巴人亞比亞本，巴魯米人押斯瑪弗，

32

沙本人以利雅哈巴，雅善諸個子中的約拿單，

33

哈拉人沙瑪，哈拉人沙拉的子亞希暗，

34

瑪迦人亞哈拜的子以利法列，基羅人亞希多弗的子以連，

35

迦密人希斯萊，亞巴人帕萊，

36

瑣巴人拿單的子以甲，迦得人巴尼，

37

亞捫人洗勒，比錄人拿哈萊（是給洗魯雅的子約押抬軍器的），

38

以帖人以拉，以帖人迦立，

39

赫人烏利亞，共三十七人。