撒母耳記下 第 2 章 - 台語漢字羅馬本

1

後來，大衛問耶和華講：「我上去猶大一個城通嗎？」耶和華給伊講：「通上去。」大衛講：「我著上去叨落？」伊講：「到希伯崙。」

2

大衛就及伊二個某──就是耶斯列人亞希暖，及迦密人曾做拿八的某名亞比該──攏上去遐。

3

大衛也互跟隨伊的人及逐人的家眷攏上去，就踮佇希伯崙許個城。

4

猶大人到，佇遐用油抹大衛做猶大家的王。有人給大衛講：「埋葬掃羅的是基列雅比的人。」

5

大衛就差使者去見基列雅比的人，給講：「願耶和華賜福恁！因為恁用此個仁慈款待你的主──掃羅；給伊埋葬。

6

願耶和華用仁慈誠實款待恁，我也欲答恁此個仁慈，因為恁有行此個事。

7

恁的手著嚴硬，恁著勇敢，因為恁的主──掃羅已經死。猶大族也有用油抹我做的王。」

8

掃羅的軍長尼珥的子押尼珥，曾將掃羅的子伊施波設帶伊過去瑪哈念，

9

設立伊做王，治理基列、亞書利、耶斯列、以法蓮、便雅憫，及以色列的眾人。

10

掃羅的子伊施波設起頭做以色列王，彼時四十歲，坐位二年；獨獨猶大族隨大衛。

11

大衛佇希伯崙做猶大族的王，歷過七年閣六月日。

12

尼珥的子押尼珥及掃羅的子伊施波設的人臣對瑪哈念出來，去基遍。

13

洗魯雅的子約押及大衛的人臣也出來，佇基遍的池邊相抵著；就坐，一隊坐佇池的此旁，一隊坐佇池的彼旁。

14

押尼珥對約押講：「請你互少年人起來，佇咱的面前滾笑。」約押講：「通互伊起來。」

15

就起來照數額過去：屬掃羅的子伊施波設的便雅憫人十二名，大衛的人臣也有十二名，

16

逐個伊對面彼人的頭殼，用刀鑿伊對面彼人的脅，做一下倒落去死。所以，彼所在叫做希利甲哈素林，就是佇基遍。

17

彼日的交戰真雄，押尼珥及以色列人卡輸佇大衛的兵的面前。

18

佇遐有洗魯雅三個子：約押、亞比篩、亞撒黑。亞撒黑的腳走親像野鹿一般；

19

亞撒黑追押尼珥無偏左右，直直押尼珥。

20

押尼珥越頭看講：「亞撒黑啊，是你抑呣是？」應講：「是我。」

21

押尼珥給伊講：「你著越轉正旁抑是倒旁，掠一個少年人，為你本身剝伊的戰衫。」總是亞撒黑直直追伊，呣肯越轉。

22

押尼珥閣給亞撒黑講：「你越轉莫得追我！我啥事著拍你倒地？若按呢，我有甚麼面目通去見你的兄約押？」

23

伊猶原呣肯越轉。押尼珥才用槍柄後的刀鑿入伊的腹肚，槍就過伊的尻脊後，伊就倒佇遐死。見若來到亞撒黑倒死的所在，就攏停腳。

24

約押及亞比篩追押尼珥；到基亞相對面的亞瑪山，佇基遍曠野的路，日就落。

25

便雅憫人聚集，隨押尼珥做一陣徛佇山頂。

26

押尼珥叫約押講：「刀劍人永無息嗎？你豈呣知到尾有艱苦嗎？你欲到甚麼時互百姓倒去、無的兄弟啊？」

27

約押講：「我指永活的上帝來咒誓：若呣是你講，早起百姓就倒去，無伊的兄弟。」

28

對按呢約押歕哨角，眾百姓就徛，無閣追以色列人，也無閣交戰。

29

押尼珥及隨伊的人通暝行經過亞拉巴，過約但，對畢倫過去，到瑪哈念。

30

約押無閣押尼珥就倒來，聚集眾百姓，大衛的兵減十九人及亞撒黑。

31

總是大衛的兵拍死便雅憫人及隨押尼珥的人，共三百六十人。

32

扛亞撒黑去伯利恆，埋葬佇老父的墓。約押及隨伊的人通暝行，到希伯崙的時天抵仔光。