撒母耳記下 第 1 章 - 台語漢字羅馬本

1

掃羅死了，也大衛死亞瑪力人倒來的時，大衛住佇洗革拉二日。

2

到第三日，看啊，有一人對營盤對掃羅遐來，衣裳拆裂，頭殼摻土粉，到大衛遐就仆佇地裡拜伊。

3

大衛問伊講：「你對叨落來？」伊應講：「我對以色列的軍營走來。」

4

大衛閣問伊講：「代誌怎樣？請你給我講。」伊應講：「百姓對戰陣逃走，百姓多多倒死去；掃羅及伊的子約拿單也死。」

5

大衛給對伊講的少年人講：「你怎樣知掃羅及伊的子約拿單死啊？」

6

給伊講的少年人講：「我偶然到基利波山，看見掃羅倚佇伊的槍，有戰車、馬兵倚伊。

7

伊越頭看我，就叫我。我應講：『我佇遮。』

8

伊問我講：『你是甚麼人？』我應講：『我是亞瑪力人。』

9

伊閣給我講：『請你近倚我，來死我；因為我真痛苦，我的生命猶好好。』

10

我就近倚伊，來死伊，因為我知伊倒落去了的確活，我就提伊頭殼裡的冕旒、及伊的手環帶到我的主遮。」

11

大衛就拆裂衫，跟隨伊的人也是按呢，

12

為著掃羅及伊的子約拿單，及耶和華的百姓及以色列家，悲哀啼哭，禁食到日暗，因為倒佇刀下。

13

大衛給對伊講的少年人講：「你對叨落來？」應講：「我是出外人的子亞瑪力人。」

14

大衛對伊講：「你伸手死耶和華所抹油者，怎樣無驚啊？」

15

大衛叫一個少年人，講：「你近倚去死伊。」伊就去拍互伊死。

16

大衛給伊講：「你的血歸佇你的頭殼，因為你的嘴家己干證你講：『我死耶和華所抹油者。』」

17

大衛做哀歌，追悼掃羅及伊的子約拿單，

18

閣講將此個哀歌教示猶大人。此個哀歌名叫「弓歌」，寫佇雅煞珥的冊。

19

歌講：以色列啊，你的榮顯者受佇山頭！嗐啊，英雄的死到按呢啊！

20

莫得佇迦特報告；莫得佇亞實基倫的街路報揚；驚了非利士的查某囝仔歡喜；驚了無受割禮的人的查某囝仔大悅。

21

基利波山啊，願無露水無雨！佇你遐也無出禮物的田！因為佇遐勇士的盾牌受擲；掃羅的盾牌親像無受抹油的。

22

對受者的血，對勇士的油，約拿單的弓無倒退；掃羅的刀無空空倒轉。

23

掃羅及約拿單──活的時通疼，通歡喜的，死的時也無分離──比鷹鳥卡緊，比獅卡強。

24

以色列的查某子啊，著為著掃羅啼哭！伊曾互恁穿朱紅色來歡喜，互恁的衣服有黃金的妝飾。

25

勇士怎樣倒佇戰陣！約拿單受佇你的山頭。

26

我的兄約拿單啊，我為你傷心！我盡在歡喜你！你的疼我，真奇妙，贏過婦仁人的疼。

27

勇士死到按呢！戰器毀滅到按呢！