歷代志下 第 3 章 - 台語漢字羅馬本

1

所羅門動工起耶和華的殿佇耶路撒冷、摩利亞的山，就是耶和華對伊的老父大衛出現的所在，大衛曾定著彼個地佇耶布斯人阿珥楠的五穀場。

2

所羅門坐位第四年二月初二動工來起。

3

所羅門所下的地基欲起上帝的殿的，記佇下底：長六十肘，闊二十肘，攏是照古早的寸尺。

4

頭前的廊長二十肘，及殿的闊平平，高一百二十肘；內面安好金。

5

大間殿的壁用松樹的柴蓋伊，用好金安伊，頂面刻棗樹及鍊仔；

6

用寶石鑲彼間殿，互伊真娞；所用的金攏是巴瓦音的金。

7

閣用金安殿及棟樑，戶椗、牆壁、門扇；壁頂刻兵。

8

閣起至聖所，長二十肘，及殿的闊平平，伊的闊也是二十肘；用好金安，計共六百他連得。

9

釘的金釘重五十舍客勒。樓閣攏安金。

10

至聖所的內面照做像的法創二個兵，用金安伊。

11

許個兵的翅共長二十肘。此個兵一支翅長五肘，伸到殿此旁的壁；彼支翅也是五肘，伸到彼個兵的翅。

12

彼個兵一支翅也是五肘，伸到殿彼旁的壁；彼支翅也是五肘，及此個兵的翅相接。

13

許個兵展開翅，共二十肘，的腳徛，面向內面。

14

閣用藍色、紫色、朱紅色的料及幼苧布做帳；　兵佇的頂面。

15

佇殿前創二支柱，高三十五肘；每支柱的柱枓高五肘。

16

閣做鍊仔，安佇柱枓；閣做石榴一百粒，安佇鍊仔頂。

17

許個柱祀佇殿前，一支佇正旁，一支佇倒旁；正旁的號名叫雅斤，倒旁的號名叫波阿斯。