啟示錄 第 6 章

1

(THR) Iûⁿ-ko khui chhit ê ìn ê chı̍t ê, hit sî góa teh khòaⁿ, chiū thiaⁿ-kìⁿ sì ê o̍ah mı̍h ê chı̍t-ê, i ê siaⁿ chhin-chhiūⁿ lûi, kóng, Lâi ah.

(BCL) 羊羔開七個印的一個，彼時我看，就聽見四個活物的一個，伊的聲親像雷，講：「來啊！」

2

(THR) Góa chiū khòaⁿ, ū pe̍h bé, khiâ i ê ū kia̍h keng, ia̍h ū bián-liû hō͘ i; i chiū chhut-khì tek-sèng, koh beh tek-sèng.

(BCL) 我就看，有白馬；騎伊的，有抬弓，亦有冕旒互伊。伊就出去，得勝閣欲得勝。

3

(THR) Khui tē jī ê ìn ê sî, góa thiaⁿ-kìⁿ tē jī ê o̍ah mı̍h kóng, Lâi ah.

(BCL) 開第二個印的時，我聽見第二個活物講：「來啊！」

4

(THR) Koh ū chı̍t chiah bé chhut lâi, sī chhiah ê, ū kôan-pèng hō͘ hit ê khiâ bé ê, tùi tōe-chiūⁿ chhiúⁿ-to̍at hô-pêng, hō͘ lâng saⁿ-thâi; koh ū chiong tōa ki to hō͘ i.

(BCL) 閣有一隻馬出來，是赤的，有權柄互彼個騎馬的，對地上搶奪和平，互人相；閣有將大支刀互伊。

5

(THR) Khui tē saⁿ ê ìn ê sî, góa thiaⁿ-kìⁿ tē saⁿ ê o̍ah mı̍h kóng, Lâi ah. Góa chiū khòaⁿ, ū o͘ bé, khiâ i ê, chhiú kia̍h chhìn.

(BCL) 開第三個印的時，我聽見第三個活物講：「來啊！」我就看，有黑馬；騎伊的，手抬秤。

6

(THR) Góa thiaⁿ-kìⁿ sì ê o̍ah mı̍h ê tiong-kan chhin-chhiūⁿ ū siaⁿ kóng, Be̍h chı̍t chin chı̍t ê gûn-á, tōa-be̍h saⁿ chin iā chı̍t ê gûn-á; iû kap chiú m̄ thang phah pháiⁿ.

(BCL) 我聽見四個活物的中間親像有聲講：「麥一升一個銀仔，大麥三升也一個銀仔；油及酒呣通拍歹。」

7

(THR) Khui tē sì ê ìn ê sî, góa thiaⁿ-kìⁿ tē sì ê o̍ah mı̍h ê siaⁿ kóng, Lâi ah.

(BCL) 開第四個印的時，我聽見第四個活物的聲講：「來啊！」

8

(THR) Góa chiū khòaⁿ, ū hé-hu-sek ê bé; khiâ i ê, i ê miâ kiò chòe Sí; Im-hú tè i ê āu-bīn tâng kiâⁿ; ū kôan-pèng hō͘ in, thang tī-lí tōe-chiūⁿ ê sì hūn chı̍t; ēng to-kiàm, ki-hng, un-e̍k, kap tōe-chiūⁿ ê iá-siù lâi bia̍t i.

(BCL) 我就看，有火灰色的馬；騎伊的，伊的名叫做死，陰府隨伊的後面同行；有權柄互，通治理地上的四份一，用刀劍、飢荒、瘟疫，及地上的野獸來滅伊。

9

(THR) Khui tē gō͘ ê ìn ê sî, góa khòaⁿ-kìⁿ chè-tôaⁿ ê, ū ūi-tio̍h Siōng-tè ê tō-lí, kap ūi-tio̍h in só͘ chip-siú ê kan-chèng, lâi siū thâi ê lâng ê lêng-hûn;

(BCL) 開第五個印的時，我看見祭壇下，有為著上帝的道理，及為著所執守的干證，來受的人的靈魂，

10

(THR) tōa siaⁿ âu-kiò kóng, Sèng, koh chin ê Chú-cháiⁿ ah, lí bô sím-phòaⁿ tiàm tī tōe-chiūⁿ ê lâng, lâi sin góan lâu huih ê oan, beh kàu sím-mı̍h sî ah?

(BCL) 大聲喉叫講：「聖閣真的主宰啊，你無審判佇地上的人，來伸阮流血的冤，欲到甚麼時啊？」

11

(THR) Chiū ū pe̍h saⁿ hō͘ in ta̍k lâng, koh kā in kóng, tio̍h chhiáⁿ hioh tām-po̍h kú, thèng-hāu tâng chòe lô͘-po̍k ê kap hiaⁿ-tī, chiū-sī beh chhin-chhiūⁿ in siū thâi ê, siàu-gia̍h it-chīn móa.

(BCL) 就有白衫互逐人；閣給講，著請歇淡薄久，聽候同做奴僕的及兄弟，就是欲親像受的，數額一盡滿。

12

(THR) Góa khòaⁿ I khui tē 6 ê ìn ê sî, tōe tōa tín-tāng, jı̍t pìⁿ o͘ chhin-chhiūⁿ mô͘-o͘-pò͘, ge̍h kui-ê chhin-chhiūⁿ huih;

(BCL) 我看伊開第六個印的時，地大振動，日變黑親像毛黑布，月歸個親像血，

13

(THR) thiⁿ chhiⁿ tūi-lo̍h tōe, chhin-chhiūⁿ bû-hoa-kó chhiū hō͘ tōa hong só͘ iô, lak bē se̍k ê ké-chí chı̍t iūⁿ.

(BCL) 天星墜落地，親像無花果樹互大風所搖，落未熟的果子一樣。

14

(THR) Thiⁿ chiū tú-tio̍h chhian-sóa, chhin-chhiūⁿ chhat kńg-khí-lâi; soaⁿ kap hái-sū lóng cháu-cho̍ah.

(BCL) 天就抵著遷徙，親像軸捲起來；山及海嶼攏走差。

15

(THR) Tōe-chiūⁿ chiah ê ông, tāi-hu, chhian-chóng, pù lâng, béng lâng, í-kı̍p lóng-chóng chòe lô͘-po̍k ê, chū-iû ê, ka-kī bih tī soaⁿ-tōng soaⁿ-giâm.

(BCL) 地上諸個王、大夫、千總、富人、猛人，以及攏總做奴僕的、自由的，家己匿佇山洞、山巖，

16

(THR) Tùi soaⁿ kap giâm kóng, Teh tī góan ê téng-bīn, jia-khàm góan, thang siám-pī hit ê chē tī chō-ūi ê ê bīn, kap Iûⁿ-ko ê siū-khì.

(BCL) 對山及巖講：「壓佇阮的頂面！遮蓋阮，通閃避彼個坐佇座位者的面及羊羔的受氣；

17

(THR) In-ūi in siū-khì ê tōa jı̍t í-keng kàu lah, chī-chūi khiā ōe tiâu ah?

(BCL) 因為受氣的大日已經到啦，是誰徛會住啊？」

Bible Color Mark

• 台語漢字羅馬本
• 巴克禮全羅