約翰福音 第 21 章

1

(THR) Chiah ê tāi-chì í-āu, Iâ-so͘ tī Thê-pí-lī-a ê hái-piⁿ, koh hián-bêng ka-kī hō͘ ha̍k-seng khòaⁿ; I ê chhut-hiān kì tī ē-tóe.

(BCL) 諸個代誌以後，耶穌佇提比哩亞的海邊閣顯明家己互學生看。伊的出現記佇下底：

2

(THR) . Ū Se-bûn Pí-tek, To-má, chheng Té-thó͘-má, Ka-lī-lī ê Ka-ná lâng Ná-tàn-gia̍p, Se-pí-thài ê kiáⁿ, iáu ū ha̍k-seng nn̄g ê lóng saⁿ-kap tī-teh.

(BCL) 有西門彼得，多馬稱低土馬，加利利的迦拿人拿但業，西庇太的子，猶有學生二個，攏相及佇。

3

(THR) . Se-bûn Pí-tek kā in kóng, Góa beh khì thó-hî. In kā i kóng, Góan ia̍h beh kap lí khì. Chiū chhut-khì, chiūⁿ chûn; hit mî bô lia̍h-tio̍h sím-mı̍h.

(BCL) 西門彼得給講：「我欲去討魚。」給伊講：「阮亦欲及你去。」就出去，上船；彼暝無掠著甚麼。

4

(THR) . Thiⁿ phú-kng, Iâ-so͘ khiā tī hái-phiâⁿ, nā-sī ha̍k-seng m̄ chai I sī Iâ-so͘.

(BCL) 天昲光，耶穌徛佇海坪，若是學生呣知伊是耶穌。

5

(THR) . Iâ-so͘ chiū kā in kóng, Sòe-kiáⁿ ah, lín ū mı̍h-phè bô? In kóng, Bô.

(BCL) 耶穌就給講：「細子啊，恁有物配無？」講：「無」。

6

(THR) . I chiū kā in kóng, Pha bāng tī chûn ê chiàⁿ pêng, chiū ōe tit-tio̍h. In pha-lo̍h-khì, chiū bāng thoa bōe khí-lâi, sī in-ūi hî chōe ê iân-kò͘.

(BCL) 伊就給講：「拋網佇船的正旁，就會得著。」拋落去，就網拖起來，是因為魚多的緣故。

7

(THR) . Tùi án-ni, Iâ-so͘ só͘ thiàⁿ hit ê ha̍k-seng kā Pí-tek kóng, Sī Chú lah. Se-bûn Pí-tek chı̍t-ē thiaⁿ-kìⁿ sī Chú, in-ūi thǹg-pak-theh chiū ēng gōa-saⁿ lâi hâ, thiàu-lo̍h hái.

(BCL) 對按呢，耶穌所疼彼個學生給彼得講：「是主啦！」西門彼得一下聽見是主，因為褪腹裼，就用外衫來縖，跳落海。

8

(THR) . Kî-û ê ha̍k-seng, (in-ūi lī phiâⁿ bô hn̄g, iok-lio̍k saⁿ-cha̍p tn̄g), ēng sòe chiah chûn lâi thoa hit bāng ê hî.

(BCL) 其餘的學生，因為離坪無遠，約略三十丈，用細隻船來拖彼網的魚。

9

(THR) . Kàu chiūⁿ phiâⁿ, khòaⁿ-kìⁿ ū teh to̍h ê thòaⁿ, téng-bīn ū hî, koh ū piáⁿ.

(BCL) 到上坪，看見有的炭，頂面有魚，閣有餅。

10

(THR) . Iâ-so͘ kā in kóng, Tú-á pha-tio̍h ê hî, lia̍h kúi bé lâi.

(BCL) 耶穌給講：「抵仔拋著的魚，掠幾尾來。」

11

(THR) . Se-bûn Pí-tek chiū khí-khì, thoa bāng chiūⁿ phiâⁿ, ū tōa bé hî móa-móa, kiōng chı̍t-pah gō͘-cha̍p-saⁿ bé; hî sui-jiân hiah chōe, bāng ia̍h bô lı̍h.

(BCL) 西門彼得就起去，拖網上坪。有大尾魚滿滿，共一百五十三尾；魚雖然許多，網亦無裂。

12

(THR) . Iâ-so͘ kā in kóng, Lâi chia̍h chá tǹg. Ha̍k-seng bô lâng káⁿ mn̄g I, Lí sī chī-chūi? in-ūi chai I sī Chú.

(BCL) 耶穌給講：「來食早頓。」學生無人敢問伊：「你是是誰？」因為知伊是主。

13

(THR) . Iâ-so͘ kàu, the̍h piáⁿ hō͘ in, hî ia̍h sī án-ni.

(BCL) 耶穌到，提餅互，魚亦是按呢。

14

(THR) . Iâ-so͘ tùi sí-lâng tiong koh-o̍ah liáu-āu, chhut-hiān hō͘ I ê ha̍k-seng khòaⁿ-kìⁿ, che sī tē saⁿ pái.

(BCL) 耶穌對死人中復活了後，出現互伊的學生看見，這是第三擺。

15

(THR) . Í-keng chia̍h chá tǹg, Iâ-so͘ kā Se-bûn Pí-tek kóng, Iok-hān ê kiáⁿ Se-bûn, lí thiàⁿ góa khah-iâⁿ chiah-ê mah? Ìn kóng, Chú ah, Sī; lí chai góa thiàⁿ lí. Iâ-so͘ kā i kóng, Chhī góa ê iûⁿ-á-kiáⁿ.

(BCL) 已經食早頓，耶穌給西門彼得講：「約翰的子西門，你疼我卡贏諸個嗎」，應講：「主啊，是，你知我疼你。」耶穌給伊講：「飼我的羊仔子。」

16

(THR) . Tē jī pái, koh kā i kóng, Iok-hān ê kiáⁿ Se-bûn, lí thiàⁿ góa mah? Kóng, Chú ah, sī; lí chai góa thiàⁿ lí. Iâ-so͘ kā i kóng, Chiàu-kò͘ góa ê iûⁿ.

(BCL) 第二擺閣給伊講：「約翰的子西門，你疼我嗎？」講：「主啊，是，你知我疼你。」耶穌給伊講：「照顧我的羊。」

17

(THR) . Tē saⁿ pái, kā i kóng, Iok-hān ê kiáⁿ, Se-bûn, lí thiàⁿ góa mah? Pí-tek in-ūi I tē saⁿ pái kā i kóng, Lí thiàⁿ góa mah? chiū iu-būn, kā i kóng, Chú, lí bô só͘ m̄ chai; lí chai góa thiàⁿ lí. Iâ-so͘ kā i kóng, Chhī góa ê iûⁿ-á.

(BCL) 第三擺給伊講：「約翰的子西門，你疼我嗎？」彼得因為伊第三擺給伊講「你疼我嗎？」就憂悶，給伊講：「主，你無所呣知；你知我疼你。」耶穌給伊講：「飼我的羊仔。

18

(THR) . Góa sı̍t-sı̍t kā lí kóng, Lí siàu-liân ê sî ēng tòa ka-kī pa̍k, chiàu só͘ ài lâi kiâⁿ-iû; to̍k-to̍k kàu lāu, lí beh chhun chhiú, pa̍t lâng chiū pa̍k lí, thoa lí kàu m̄ ài khì ê só͘-chāi.

(BCL) 我實實給你講，你少年的時，用帶家己縛，照所愛來行遊；獨獨到老，你欲伸手，別人就縛你，拖你到呣愛去的所在。」

19

(THR) . Iâ-so͘ kóng che ōe, sī chí Pí-tek beh cháiⁿ-iūⁿ sí, lâi êng-kng Siōng-tè. Í-keng kóng án-ni, chiū kā i kóng, Tè góa.

(BCL) （耶穌講這話是指彼得欲怎樣死，來榮光上帝。）已經講按呢，就給伊講：「隨我！」

20

(THR) . Pí-tek o̍at-tńg-sin, khòaⁿ-kìⁿ Iâ-so͘ só͘ thiàⁿ ê ha̍k-seng tè in, chiū-sī chêng tī bóan-chhan ê sî, hiàⁿ óa Iâ-so͘ ê heng-khám kóng, Chú ah, bōe lí ê lâng sī chī-chūi?

(BCL) 彼得越轉身，看見耶穌所疼的學生隨，（就是前佇晚餐的時，向倚耶穌的胸坎講：「主啊，賣你的人是是誰？」）

21

(THR) . Pí-tek khòaⁿ-kìⁿ, chiū kā Iâ-so͘ kóng, Chú ah, chit lâng cháiⁿ-iūⁿ?

(BCL) 彼得看見，就給耶穌講：「主啊，此人怎樣？」

22

(THR) . Iâ-so͘ kā i kóng, Góa nā ài i tī-teh kàu góa lâi, kap lí sím-mı̍h kan-sia̍p? lí tio̍h tè góa.

(BCL) 耶穌給伊講：「我若愛伊佇到我來，及你甚麼干涉？你著隨我！」

23

(THR) . Tùi án-ni, chit ê ōe piàn thôan tī hiaⁿ-tī ê tiong-kan, kóng, Chit ê ha̍k-seng bōe sí; nā-sī Iâ-so͘ m̄ sī kā i kóng i bōe sí, to̍k-to̍k kóng, Góa nā ài i tn̂g-tn̂g tī-teh kàu góa lâi, kap lí sím-mı̍h kan-sia̍p?

(BCL) 對按呢此個話遍傳佇兄弟的中間，講此個學生死。若是耶穌呣是給伊講伊死，獨獨講：「我若愛伊長長佇到我來，及你甚麼干涉？」

24

(THR) . Ūi-tio̍h chiah ê sū chòe kan-chèng lâi siá i ê lâng, chiū-sī chit ê ha̍k-seng; koh lán chai i ê kan-chèng sī chin.

(BCL) 為著諸個事做干證，來寫伊的人就是此個學生；閣咱知伊的干證是真。

25

(THR) . Iâ-so͘ só͘ kiâⁿ iáu ū chōe-chōe hāng, nā sûi chı̍t hāng lâi siá, góa phah-sǹg só͘ kì ê chheh, sè-kan tóe bōe liáu.

(BCL) 耶穌所行猶有多多項，若隨一項來寫，我拍算，所記的冊世間貯了。

Bible Color Mark

• 台語漢字羅馬本
• 巴克禮全羅