撒迦利亞 第 12 章 - 台語漢字羅馬本

1

耶和華論以色列默示的話。耶和華展開諸個天，建立地的根基，創造人的心神者，

2

伊的話講：「看啊，我欲互耶路撒冷做四圍諸個百姓致到醉的杯；耶路撒冷受圍困的時，猶大也欲按呢。

3

彼日，我欲互耶路撒冷對佇萬百姓成做重的石；見若夯伊者欲受重傷，地上列邦欲聚集來攻擊伊。

4

耶和華講：到彼日，我欲互攏總的馬驚惶，互騎馬的人癲狂。我欲看顧猶大家，拍列國一切的馬互伊睛暝。

5

猶大的族長心內欲講：『耶路撒冷徛起的百姓做我的力，因為倚靠的上帝──萬軍的耶和華。』

6

「彼日，我欲互猶大的族長親像火鼎佇柴的中間，閣親像火把佇稻稛的中間；欲佇倒旁正旁燒滅四圍的列國。耶路撒冷欲猶原踮佇本所在，就是耶路撒冷。

7

「耶和華欲代先拯救猶大的布棚，互大衛的家的榮光及耶路撒冷徛起的百姓的榮光會贏過猶大。

8

彼日，耶和華欲保護耶路撒冷徛起的百姓。中間軟茈者佇彼日欲親像大衛；大衛的家欲親像上帝，親像佇頭前的耶和華的使者。

9

彼日，來攻擊耶路撒冷的列國，我定著意思欲滅伊。

10

「我欲用恩惠及祈禱的神，傾落佇大衛的家及耶路撒冷徛起的百姓。欲仰望我，就是所鑿者；閣欲為著伊悲哀，親像人為著孤生的子悲哀；閣為著伊憂苦，親像人為著大子憂苦一樣。

11

當彼日，佇耶路撒冷欲有大大悲哀，親像佇米吉多平洋的哈達臨門的悲哀。

12

境內悲哀，逐家另外踮。大衛族的家另外踮，的婦仁人另外踮。拿單族的家另外踮，的婦仁人另外踮。

13

利未族的家另外踮，的婦仁人也另外踮。示每族的家另外踮，的婦仁人也另外踮。

14

其餘許個家逐家另外踮，的婦仁人也另外踮。