啟示錄 第 8 章 - 台語漢字羅馬本

1

開第七個印的時，天裡靜靜約略半點鐘久。

2

我看見許個徛佇上帝的面前七個天使，閣有七支號頭互。

3

也有一個天使來徛佇祭壇邊，提金香爐。有多多香互伊。

4

通參佇眾聖徒的祈禱，佇座位前的金壇頂。香煙及聖徒的祈禱對天使的手淐到上帝的面前。

5

天使提彼個香爐，將壇裡的火貯到滿，佇地裡；就有雷鳴，及諸個聲，及閃爁及地動。

6

抬七支號頭的七個天使就備辦欲歕。

7

頭一個天使歕，就有雹及火用血相參佇地裡；地三份的一份燒燎去，樹木三份的一份燒燎去，一切的青草也燒燎去。

8

第二個天使歕，就有親像火燒的大山落海；海三份的一份就變做血，

9

海內所有的活物三份死一份，船隻也三份破一份。

10

第三個天使歕，有大粒星，親像火把對天墜落來，就墜佇江河三份的一份以及佇諸個水泉。

11

（星的名叫做「茵蔯」。）水三份的一份變做茵蔯，人多多因為諸個水來死，因為伊是苦。

12

第四個天使歕，日的三份一、月的三份一、星的三份一受攻擊，致到三份的一份變做暗，日時三份的一份無光，暝時也是按呢。

13

我閣看，就聽見一隻鷹飛佇天中，大聲講：「因為其餘號頭的聲就是三個天使所欲歕的。徛起地上的人，有災禍！有災禍！有災禍！」