詩篇 第 57 章 - 台語漢字羅馬本

1

〔大衛閃避掃羅，匿佇洞內。彼時，伊做此個金的詩，交互樂官。調是用「莫得毀壞的」。〕上帝啊，求你可憐我，可憐我！我的身欲投歇佇你。我欲投歇佇你翅股的致蔭下，聽候諸個災禍經過。

2

我欲求叫至高的上帝，就是給我成持逐項事的上帝。

3

當彼個欲吞食我的人誹謗我的時，上帝欲施恩對天救我，亦欲發出伊的慈愛及伊的誠實。

4

我的生命佇獅的中間；我倒佇親像火的世間人的中間。的嘴齒是槍、是箭；的舌是利刀。

5

上帝啊，願你高大過諸個天！願你的榮光過全地！

6

給我的腳步設羅網，壓制我的心神；佇我的面前開陷坑，家己反轉跋落彼內面。（細拉）

7

上帝啊，我的心自在，我的心自在；我欲吟詩，我欲唱歌謳咾！

8

我的神啊，你著精神起來！琴啊，瑟啊，恁著精神起來！我本身欲真早精神起來！

9

主啊，我欲佇萬百姓的中間感謝你，佇列邦的中間唱歌謳咾你！

10

因為，你的慈愛大到抵天；你的誠實到穹蒼。

11

上帝啊，願你高大過諸個天！願你的榮光過全地！