詩篇 第 47 章 - 台語漢字羅馬本

1

〔可拉後裔的詩，交互樂官。〕恁眾百姓啊，恁攏著搭手！著用得勝的聲大聲謳咾上帝！

2

因為耶和華至高者，通驚者；伊是大君王管理全地。

3

伊欲互萬百姓降服佇阮的下面，亦欲互列邦佇阮的腳下。

4

伊給阮揀阮的產業，就是伊所疼的雅各的榮光。（細拉）

5

上帝上去，有喝的聲隨伊；耶和華上去，有號頭的聲隨伊。

6

恁著唱歌謳咾上帝，著唱歌謳咾！唱歌謳咾咱的王，著唱歌謳咾！

7

因為上帝是全地的王；著用智慧唱歌謳咾伊。

8

上帝做王治理萬國；上帝坐佇伊聖的寶座。

9

列邦的貴族聚集欲做亞伯拉罕的上帝的百姓。因為世界的盾牌是屬佇上帝；伊是極高！