詩篇 第 18 章 - 台語漢字羅馬本

1

〔耶和華的奴僕大衛的詩，交互樂官。當耶和華救伊脫離一切的對敵及掃羅的手的日，伊對耶和華唸此個詩的話。講：〕耶和華，我的氣力啊！我疼你！

2

耶和華是我的山巖，我的山寨，我的救主，我的上帝，我的石磐，我欲倚靠伊。伊是我的盾牌，是救我的角，是我的高台。

3

我欲求叫應該謳咾的耶和華；我就得著救脫離我的對敵。

4

死無的索纏我，匪類的大水互我驚，

5

陰間的索圍困我，死無的羅網臨到我。

6

我佇苦難中祈求耶和華，對我的上帝求叫。伊對伊的殿內聽我的聲；我佇伊的面前所求的入佇伊的耳孔。

7

因為伊受氣，地就搖閣泏；山的地基亦振動搖泏。

8

對伊的鼻孔淐出煙；對伊的嘴內發出火，土炭對按呢。

9

伊互天垂落低，本身臨到，伊的腳下黑暗暗。

10

伊騎兵飛；伊用風的翅緊緊飛。

11

伊用黑暗做匿身的所在，做帳房來圍伊就是水的黑暗、空中的密雲。

12

因為伊頭前的光，就伊的密雲行過去有雹及的土炭。

13

耶和華佇天裡起雷；至高者出伊的聲有雹及的土炭。

14

伊射出伊的箭，互對敵四散；發出多多閃爁，互擾亂。

15

耶和華啊，你的責備一下發，你的鼻孔的氣一下出，水底就出現，大地的根基亦露現。

16

伊對頂面伸手我，牽我出大水的中間。

17

伊救我脫離我猛的對敵以及許個怨恨我的人，因為比我卡強。

18

我抵著災難的日，來攻擊我；總是耶和華是我所倚靠者。

19

伊亦導我到開闊的所在；伊救我，因為伊歡喜我。

20

耶和華照我的義報答我，照我手的清氣報賞我。

21

因為我遵守耶和華的道路，未曾做歹離開我的上帝。

22

伊的法律攏佇我的面前；伊的禮儀我未曾棄拺。

23

我佇伊的面前做完全；我亦保守家己離開我的罪惡。

24

所以，耶和華報賞我是照我的義，亦是照我佇伊的目睭前我手的清氣。

25

慈愛的人，你用慈愛款待伊；完全的人，你用完全款待伊。

26

清氣的人，你用清氣款待伊；乖僻的人，你用彎曲款待伊。

27

因為困苦的百姓，你欲救伊；自高的目睭，你欲互伊回落去。

28

因為你欲點我的燈；耶和華──我的上帝欲照光我的暗。

29

因為我倚靠你衝入軍隊，倚靠我的上帝跳過牆。

30

論到上帝，伊的路是完全；耶和華的話是過鍛煉的。見若倚靠伊者，伊就做的盾牌。

31

因為耶和華以外，是誰是上帝？阮的上帝以外，是誰是石磐？

32

就是彼個用氣力縖我的腰、互我的路完全的上帝。

33

伊互我的腳親像鹿母的腳，閣安置我佇我高的所在。

34

伊教示我的手交戰，致到我的手骨會開銅的弓。

35

你用你救恩的盾牌互我；你用正手扶持我；你的溫和互我做大。

36

你互我所踏的地開闊；我的腳未曾踏趨。

37

我欲追我的對敵，亦欲著；猶未滅無的代先，我無欲倒轉。

38

我欲拍殄殄，致到起來；欲倒佇我的腳下。

39

因為你曾用氣力縖我的腰，互我交戰；你互許個起來攻擊我者攏降服佇我的下面。

40

你亦互我的對敵越轉身逃走，互我會剿滅許個怨恨我的人。

41

求叫，亦無人救；就求叫耶和華，伊亦無應。

42

我搥到碎碎，親像風吹的土粉，傾出，親像街路的土糜。

43

你救我脫離百姓的相爭，你設立我做列邦的頭；我本然呣識的百姓欲服事我。

44

一下聽見我的名就欲順趁我；異邦的人欲投降我。

45

異邦人欲衰退，驚惶愕愕惙出的營寨。

46

耶和華是活者。願我的石磐得著謳咾；願救我的上帝得著升高。

47

此個上帝，就是彼個給我伸冤、互眾百姓降服佇我的下面的，

48

伊救我脫離我的對敵，你將我舉起，卡高許個起來攻擊我的；你救我脫離強暴的人。

49

耶和華啊，因為按呢我欲佇列邦中感謝你，唱歌謳咾你的名。

50

耶和華賞賜極大的救恩，互伊所設立的王，施出慈愛互伊受抹油者，就是互大衛及伊的後裔，直到永遠。