詩篇 第 16 章 - 台語漢字羅馬本

1

〔大衛金的詩〕上帝啊，求你保護我，因為我倚靠你。

2

我的靈啊，你曾對耶和華講：你是我的主；你以外我無福氣。

3

論到地上聖的百姓，是極其好，是我所深深歡喜的。

4

用別個神替換耶和華的，的憂苦欲愈加添；獻奠血的祭我無欲獻；我的嘴唇亦呣提起的名。

5

耶和華是我的產業，及我杯中的份額；我所應得的，你給我顧守。

6

所量互我的地，是佇真娞的所在；我的產業實在真好。

7

我欲謳咾彼個教示我的耶和華；暝時我的心腸亦指點我。

8

我常常敬奉耶和華佇我的面前，因為伊佇我的正旁，我就無搖泏。

9

因為按呢，我的心歡喜，我的神快樂；我的肉身亦欲安然徛起。

10

因為你無將我的靈魂放下佇陰間，亦無互你的聖者抵著朽爛。

11

你欲將活命的路指示我。佇你的面前有滿足的歡喜；佇你的正手有永遠的快樂。