詩篇 第 122 章 - 台語漢字羅馬本

1

〔上崎仔的詩，大衛所作的。〕人對我講：咱來去耶和華的厝，我就歡喜。

2

耶路撒冷啊，阮的腳徛佇你的門內。

3

耶路撒冷受起造，親像連絡整齊的城。

4

諸個支派，就是耶和華的支派，照以色列定著的例，上去遐，欲謳咾耶和華的名。

5

因為佇遐設立審判的寶座，就是大衛家的寶座。

6

著替耶路撒冷求平安！見若疼你的人的確安樂！

7

願你城內平安！願你的宮內安樂！

8

因為我的兄弟及同伴的緣故，我欲講：願平安佇你的內面！

9

因為耶和華──咱的上帝的厝的緣故，我欲替你求福氣！