詩篇 第 114 章 - 台語漢字羅馬本

1

以色列出埃及，雅各家離開言語相通的百姓；

2

彼時，猶大做伊的聖所，以色列做伊的邦國。

3

大海看見就逃走；約但河亦流倒轉。

4

大山趒跳，親像羊；細山趒跳，親像羊仔子。

5

大海啊，你為啥代誌逃走？約但啊，你為啥代誌流倒轉？

6

大山啊，你怎樣趒跳，親像羊？細山啊，你怎樣趒跳，親像羊仔子？

7

地啊，你見著主的面，見著雅各的上帝的面，就著愕愕惙。

8

伊互石磐變做水池，互石變做水泉。