詩篇 第 110 章 - 台語漢字羅馬本

1

〔大衛的詩。〕耶和華對我的主講：你坐我的右旁，聽候我互你的對敵做你的腳踏。

2

耶和華欲對錫安伸出你有能力的枴；你著佇你對敵的中間掌權。

3

你出軍的日，你的百姓欲用聖潔的妝飾做衫，甘心獻家己；你的壯丁歸倚你親像早起時所結的露水。

4

耶和華已經咒誓，的確無退悔，講：你永遠做祭司照麥基洗德的班列。

5

佇你正旁的主，當伊受氣的日，欲拍敗列王。

6

伊欲佇列邦中來審判，伊欲互身屍遍滿逐所在；伊欲佇多多國拍破對敵的頭殼。

7

伊欲飲路邊的溪水，因為按呢伊欲抬起頭。