詩篇 第 101 章 - 台語漢字羅馬本

1

〔大衛的詩。〕我欲唱慈愛及公平的歌；耶和華啊，我欲向你唱謳咾的歌！

2

我欲用智慧行佇完全的路。你欲啥時到我遮？我欲用完全的心行佇我的家內。

3

邪僻的事，我攏呣排佇我的目前；悖道的人所做的事，我真怨恨，呣互伊粘著我。

4

彎曲的心，的確互伊離開我；一切的歹，我呣識伊。

5

暗中誹謗伊的厝邊者，我欲滅伊；目睭箍大的，心驕傲的人，我無容允伊。

6

我的目睭欲看國內誠實的人，互及我相及住；行佇完全的路者，伊欲服事我。

7

行詭詐的人，得通住我的家內；講白賊話的人，得通徛住佇我的目睭前。

8

逐早起我欲滅無國內的歹人，通將一切做歹的人對耶和華的城除去。