詩篇 第 10 章 - 台語漢字羅馬本

1

耶和華啊，你啥事遠遠徛？佇患難的時你啥事踮密？

2

歹人佇驕傲的中間追困苦的人真緊急；願陷落佇家己所設的計謀。

3

歹人誇口伊的心所愛；貪心者棄拺耶和華，閣侮慢伊。

4

歹人面帶驕傲，講：伊無欲究勘；伊所想的攏掠做無上帝。

5

見若伊所行的，常常穩當；你的審判過伊的眼界。論到伊一切的對敵，伊攏藐視。

6

伊心內講：我的確搖泏，代代抵著災難。

7

伊的嘴滿滿咒罵、奸詐、欺壓，伊的舌下惡毒、虛假。

8

伊佇鄉村埋伏的所在坐；伊佇隱密的所在害死無罪的人。伊的目睭暗靜直直相無依倚的人；

9

伊埋伏佇暗靜的所在，親像獅匿佇伊的穴。伊埋伏，欲掠喪鄉人；用網圍喪鄉人，來掠著伊。

10

伊屈身仆，無依倚的人就倒佇伊爪牙的下面。

11

伊心內講：上帝記得；掩伊的面永遠無看見。

12

耶和華啊，求你起來！上帝啊，抬起你的手，呣通記得喪鄉人！

13

歹人啥事藐視上帝，心內講；你無欲根究？

14

你已經看見；因為惡毒怨妒，你攏鑑察，欲用你的手報應。無依倚的人將本身交代你；你是幫助無父的子者。

15

願你拍折歹人的手骨；論到惡人，願你根究伊的歹，到徹底。

16

耶和華做王對永遠到永遠；列邦人對伊的地攏滅無。

17

耶和華啊，謙卑的人的心願，你已經聽見。你欲備辦的心，你欲俯耳孔來聽。

18

欲替無父的子以及受壓迫的人伸冤，互世間人無閣哄喝人。