民數記 第 2 章 - 台語漢字羅馬本

1

耶和華吩咐摩西、亞倫講：

2

「以色列人著逐個搭伊的布棚佇家己的大旗下，佇本族的旗號遐，圍圍向會幕紮營。

3

佇東勢，向日出的所在，照的軍隊紮營的是著猶大營的大旗。有亞米拿達的子拿順做猶大人的首領。

4

伊的軍隊就是過算的，共有七萬四千六百名。

5

倚近伊紮營的是著以薩迦的支派。有蘇押的子拿坦業做以薩迦人的首領。

6

伊的軍隊就是過算的，共有五萬四千四百名。

7

閣有西布倫的支派。希倫的子以利押做西布倫人的首領。

8

伊的軍隊就是過算的，共有五萬七千四百名。

9

屬猶大營、照伊的軍隊攏總過算的，共有十八萬六千四百名，著做頭起身。

10

「佇南旁，照的軍隊是流便營的大旗。有示丟珥的子以利蓿做流便人的首領。

11

伊的軍隊就是過算的，共有四萬六千五百名。

12

倚近伊紮營的是西緬的支派。蘇利沙代的子示路蔑做西緬人的首領。

13

伊的軍隊就是過算的，共有五萬九千三百名。

14

閣有迦得的支派。丟珥的子以利雅薩做迦得人的首領。

15

伊的軍隊就是過算的，共有四萬五千六百五十名。

16

屬流便營、照伊的軍隊攏總過算的，共有十五萬一千四百五十名，著做第二隊起身。

17

「然後，會幕著起身，有利未人的營佇諸個營的中間。按呢紮營著照按呢起身，各照伊的大旗。

18

「佇西旁，照的軍隊是以法蓮營的大旗。亞米忽的子以利沙瑪做以法蓮人的首領。

19

伊的軍隊就是過算的，共有四萬連五百名。

20

倚近伊的是瑪拿西的支派。比大蓿的子迦瑪列做瑪拿西人的首領。

21

伊的軍隊就是過算的，共有三萬二千二百名。

22

閣有便雅憫的支派。基多尼的子亞比但做便雅憫人的首領。

23

伊的軍隊就是過算的，共有三萬五千四百名。

24

屬以法蓮營，照伊的軍隊攏總過算的，共有十萬連八千一百名，著做第三隊起身。

25

「佇北旁，照的軍隊是但的營的大旗。亞米沙代的子亞希以謝做但的人的首領。

26

伊的軍隊就是過算的，共有六萬二千七百名。

27

倚近伊紮營的是亞設的支派。俄蘭的子帕結做亞設人的首領。

28

伊的軍隊就是過算的，共有四萬一千五百名。

29

閣有拿弗他利的支派。以南的子亞希拉做拿弗他利人的首領。

30

伊的軍隊就是過算的，共有五萬三千四百名。

31

屬但的營攏總過算的，共有十五萬七千六百名，著歸的大旗做路尾隊起身。」

32

諸個是以色列人，照的宗族過算的，照的軍隊，佇諸個營中攏總過算的，共有六十萬連三千五百五十名。

33

獨獨利未人無算佇以色列人的內面，是照耶和華所命令摩西的。

34

以色列人按呢行，逐人照的家口、的宗族歸的大旗，按呢紮營按呢起身，攏是照耶和華所命令摩西的來行。