那鴻書 第 2 章 - 台語漢字羅馬本

1

破壞者上到你的面前。你著顧守衛所，持防路頭，腰著嚴硬，氣力極堅固。

2

（因為耶和華復倒雅各的榮光，親像以色列的榮光；）因為搶劫者已經搶劫伊，閣毀壞的葡萄枝。

3

伊的勇士的盾牌是紅的，戰士攏穿朱紅衫。佇伊備辦交戰的日，戰車的鋼鐵炎炎閃，伊的槍舞來舞去。

4

車佇街路亂亂，佇開闊的所在挨挨擠擠，款式親像火把，緊緊走親像閃爁。

5

伊點算伊的貴族；步行顛倒，緊緊到城牆，備辦保護的器具。

6

許個河截攏開，宮殿消滅。

7

王后受凌辱，互人掠去；宮女搥胸，哀哮親像鴿的聲。

8

尼尼微對早以來，親像聚集水的池；今攏逃走。有人叫講：停腳！停腳！總是無人越頭看。

9

搶伊的銀劫伊的金！所積聚的無限量，娞的古董極豐盛。

10

今空虛啦，空空啦，拋荒啦，心失膽，腳頭窩相磕，腰攏痛疼，面攏變色。

11

獅的穴及細隻獅食物的所在？就是公的獅、母的獅、細隻獅、四界行、無著驚的所在，今佇叨落啊？

12

大隻獅拆裂物互細隻獅食夠額，為著母的獅咬死活物，將所拆裂的囤滿伊的穴，將所咬著的積滿伊的洞。

13

萬軍的耶和華講：「看啊，我攻擊你，閣佇火熏中燒歹伊的馬車，刀劍也欲吞滅你的細隻獅。我欲對地上除滅你所搶掠者，你的使者的聲無閣互人聽見。」