馬可福音 第 2 章 - 台語漢字羅馬本

1

過幾若日，耶穌閣入迦百農。人聽見伊佇厝內，

2

就多多人聚集，致到無空地連門口也無；伊就講道理互聽。

3

有帶一個半　者就近伊，是四人扛伊來；

4

因為人多，會近倚，就佇耶穌的所在，拆厝頂，互伊歸孔，就將半　者倒佇舖仔墜落去。

5

耶穌看見的信，就給半　者講：「細子，你的罪赦免啦。」

6

有幾若個經學士坐佇遐，心內議論，講：

7

「此個人怎樣按呢講啊？伊是僭權濫糝。除上帝以外，是誰會赦免罪啊？」

8

耶穌心內連鞭知有此號的議論，就給講：「恁啥事佇心內議論諸個啊？

9

給半　者講『你的罪赦啦』，抑是講『起來！夯你的舖仔來行』，叨落一項卡快？

10

獨獨欲互恁知，人子佇地裡有權通赦罪。」就給半　者講：

11

「我給你講，起來！夯你的舖仔倒去你的厝。」

12

伊就起來，佇眾人的面前，隨時夯伊的舖仔出去，致到眾人攏卬愕，歸榮光上帝，講：「阮從來未曾看見按呢生！」

13

耶穌閣出去到海墘，眾人攏就近伊，就教示。

14

經過的時，看見亞勒腓的子利未坐佇餉關，就給伊講：「隨我。」伊就起來，隨伊。

15

耶穌坐桌佇利未的厝，有多多抽餉者及歹人及耶穌參伊的學生同坐；因為許個人是多，也隨伊。

16

法利賽的經學士看見伊及歹人以及抽餉者相及食，就給伊的學生講：「伊及抽餉者以及歹人相及飲食啊？」

17

耶穌聽見，就給講：「勇健的無欠醫生，若是破病的就著。我來呣是欲招義人，是欲招歹人。」

18

約翰的學生及法利賽人當禁食。就近來給伊講：「約翰的學生及法利賽人的學生禁食，你的學生無禁食，是怎樣？」

19

耶穌給講：「新子婿及賀娶的人佇的時，豈會禁食嗎？新子婿猶同佇，會禁食。

20

若是時日欲到，新子婿欲對中間無去，彼日就欲禁食。

21

無人用新布補舊衫，若有，就所補的彼塊會糾裂伊，就是新的糾裂舊的，伊的破孔閣卡大。

22

也無人用新酒貯佇舊皮囊，若有，就新酒會爆裂皮囊，酒漏，囊也拍歹；獨獨新酒著入佇新皮囊。」

23

耶穌佇安息日對麥園經過。伊的學生行路的時，摘麥穗。

24

法利賽人給伊講：「你看，佇安息日行所呣應該行的是怎樣？」

25

耶穌給講：「大衛及跟隨的人，當欠缺閣枵的時所行的，恁未讀著嗎？

26

就是當亞比亞他做祭司頭的時，伊有怎樣入上帝的厝，食排列的餅，續互跟隨伊的人。此號餅若呣是祭司，就呣通食。」

27

閣給講：「安息日為著人來設立，呣是人為著安息日。

28

所以，人子也是安息日的主。」