路加福音 第 5 章 - 台語漢字羅馬本

1

當眾人挨夾伊，teh聽上帝的道理的時，耶穌徛佇革尼撒勒湖邊。

2

看見二隻船佇湖邊；討漁人離開船teh洗網。

3

其中一隻是西門的，耶穌上去，請伊將船放卡開，就坐佇船裡教示眾人。

4

講息，就對西門講：「放到深的所在，拋網討魚。」

5

西門應講：「先生，阮通暝著磨，討攏無。總是因為你的話，我就欲拋網。」

6

In拋落去，就圍著魚真多，網到欲裂，

7

就搧別隻船的同伴來鬥相共。In就來，拾魚滿二隻船，到欲沈落去。

8

西門彼得看見按呢，就仆佇耶穌的腳下，講：「主啊，離開我，我是有罪的人！」

9

因為西門及同佇teh的人，為著in一下拋落去所掠著的魚無呣卬愕。

10

西門的同伴西庇太的子雅各、約翰，也是按呢。耶穌對西門講：「莫得驚！對此霎了後，你欲得著人。」

11

In已經拖船倚岸，就放拺一切來隨伊。

12

耶穌佇一個城，抵當有一人遍身癩，看見伊，就面仆佇地裡，求講：「主啊，你若肯，就會互我清氣。」

13

伊伸手摸伊講：「我肯，你通清氣！」

14

癩即時除去。耶穌吩咐伊莫得給人講，獨獨著去將本身互祭司驗，也為著你得著清氣，獻摩西所吩咐的，來做證據佇人。」

15

總是伊的名聲益發報揚。歸大陣的人聚集欲聽，也欲得著醫好的病。

16

若是耶穌退去佇曠野祈禱。

17

有一日，耶穌教示人，有法利賽人及教律法的先生佇遐坐；是對加利利逐鄉社及猶太及耶路撒冷來的。主的權能及耶穌佇，互伊醫好人。

18

抵當有人將舖仔扛半　的來，愛欲扛入去下佇伊的面前，

19

因為人多，尋無縫通扛入去，就上厝頂，對厝蓋中將人連舖仔墜落去，下佇中央，佇耶穌的面前。

20

耶穌看見的信，就講：「某人啊，你的罪赦啦。」

21

經學士及法利賽人就議論講：「此個講僭權濫糝的話的是是誰啊？上帝以外，是誰會赦罪啊？」

22

耶穌知的議論，就應講：「恁心內議論甚麼啊？

23

講『你的罪赦』，抑是講『你起來行』，叨落一項卡快？

24

總是欲互恁知，人子佇地裡有權通赦免罪。就給半　的講：我給你講，起來，夯你的舖仔倒去你的厝！」

25

彼人佇眾人的面前即時起來，夯伊所睏的倒去伊的厝，歸榮光上帝。

26

眾人攏卬愕，也歸榮光上帝，閣滿心驚惶，講：「咱今仔日看見意外的事。」

27

諸個代誌了後，耶穌出去，看見一個抽餉的，名叫利未，坐佇餉關，就給伊講：「隨我。」

28

伊就放拺一切，起來，隨伊。

29

利未為著伊辦大筵席佇兜，有抽餉的以及別人多多及同坐桌。

30

法利賽人及的經學士對伊的學生耦耦唸講：「恁啥事及抽餉的以及歹人飲食啊？」

31

耶穌應講：「勇壯的人無欠用醫生；若是破病的人就著。

32

我來呣是欲招義人，是欲召歹人來反悔。」

33

對伊講：「約翰的學生沓沓禁食祈禱，法利賽的學生也是按呢；若是你的學生也飲也食。」

34

耶穌對講：「新子婿及賀娶的人相及佇，豈會互賀娶的人禁食嗎？

35

若是日子欲到，新子婿對中間無去，佇許個日就欲禁食。」

36

閣用譬喻對講：「無人拆新衫來補舊衫；若按呢，就拆破新衫，閣所補彼塊新的無合佇舊的。

37

也無人用新酒貯佇舊皮囊；若按呢，就新酒欲爆裂皮囊，酒漏，囊也拍歹。

38

獨獨新酒著入佇新的皮囊。

39

閣無人飲舊酒也愛彼個新的；因為講舊的是好。」