約書亞記 第 9 章 - 台語漢字羅馬本

1

約但彼旁，或是佇山地，或是佇平洋，或是佇大海黎巴嫩相對的邊仔，赫人、亞摩利人、迦南人、比利洗人、希未人、耶布斯人諸個王，一下聽見這，

2

就攏聚集，同心合意欲及約書亞及以色列人交戰。

3

總是基遍徛起的百姓聽見約書亞對耶利哥及艾城所行的事，

4

就設詭計，假做使者，用舊的袋及破裂閣補的舊酒袋互驢馱伊，

5

腳裡穿過補的舊鞋，身軀穿舊衫；所備辦的餅攏是乾，閣臭醭。

6

到吉甲營中見約書亞，對伊及以色列人講：「阮是對真遠的所在來的，今求你及阮立約。」

7

以色列人對諸個希未人講：「豈採恁是徛起佇阮中間的；欲怎樣及恁立約啊？」

8

對約書亞講：「阮是你的奴僕。」約書亞問講：「恁是甚麼人？是對叨落來的？」

9

對伊講：「你的奴僕對極遠的所在來，為著耶和華──你上帝的名，因為阮已經聽見伊的名聲及伊佇埃及一切所行的，

10

以及伊佇約但彼旁對亞摩利二個王，就是希實本王西宏及佇亞斯他錄的巴珊王噩一切所行的事。

11

阮的長老及阮遐徛起的百姓就給阮講：『恁手著帶路裡用的食物去迎接，對講：阮是你的奴僕；今求你及阮立約。』

12

阮出來欲來恁遮的日，對厝內帶出諸個餅做路中的路用，彼時猶燒燒；看啊，今已經攏乾，閣臭醭啦。

13

諸個酒囊，阮貯酒的時猶是新的；看啊，今已經破裂。阮諸個衫及鞋，也攏穿舊，因為路真遠。」

14

以色列人就對的食物提淡薄，也無請問耶和華。

15

約書亞就及講和，及立約，容允活；會眾的首領也對咒誓。

16

及立約了後，過三日才聽見是近近，踮佇中間。

17

以色列起身，第三日到的城，許個城就是基遍、基非拉、比錄、基列耶琳。

18

因為會眾的首領已經指耶和華──以色列的上帝對咒誓，所以以色列人無拍；全會眾就哀怨許個首領。

19

眾首領對全會講：「阮已經指耶和華──以色列的上帝對咒誓，今咱呣通磕著。

20

咱著按呢款待，容允活，驚了咱為著所對咒誓的受氣到佇咱。」

21

首領閣對講：「著容允活。」對按呢就給會眾做破柴汲水的人，照首領所給講的話。

22

約書亞叫來，給講：「啥事騙阮講『阮離開恁真遠』啊？其實恁是踮佇阮中間。

23

今恁是受咒詛的！恁中間做奴才的永無斷，給我上帝的殿做破柴汲水的。」

24

應約書亞講：「因為有人確實報你的奴僕講，耶和華──你的上帝曾命令伊的奴僕摩西，將此個全地賞賜恁，也佇恁的頭前剿滅此個所在一切徛起的百姓，所以阮因為恁的緣故驚了無命，才做此個代誌。

25

今阮佇你的手頭，你看做好做正直的，照按呢行來款待阮！」

26

約書亞就按呢款待，救脫離以色列人的手，所以就無。

27

當彼日約書亞互給會眾及耶和華的壇，做破柴及汲水的人佇伊所欲揀的所在，到今仔日。