約書亞記 第 24 章 - 台語漢字羅馬本

1

約書亞聚集以色列眾支派到佇示劍，召以色列的長老，及的族長、審判官，以及官長來，就徛佇上帝的面前。

2

約書亞給眾百姓講：「耶和華──以色列的上帝按呢講：『在早恁的列祖，就是亞伯拉罕的老父，拿福的老父、他拉，踮佇大河彼旁，服事別個上帝，

3

我取恁的祖亞伯拉罕對大河彼旁導伊遍行迦南全地，閣互伊的子孫多多，用以撒賞賜伊；

4

閣用雅各及以掃賞賜以撒，將西珥山賞賜以掃做業；後來雅各及伊的子孫落去埃及。

5

我差摩西及亞倫，我也降災禍佇埃及，照我佇彼中間所行的，然後導恁出來。

6

我導恁的列祖出埃及，恁就到海墘；埃及人導的車及馬兵追恁的列祖到紅海。

7

求叫耶和華，伊就用黑暗下佇恁及埃及人的中間，閣互海來淹密。我佇埃及所行的事，恁親目看見。恁踮佇曠野多多日。

8

我導恁到徛起佇約但彼旁亞摩利人的地。及恁交戰，我將交佇恁的手，恁就得著的地；我剿滅佇恁的面前。

9

彼時，摩押王西撥的子巴勒起來及以色列交戰，差人去叫比珥的子巴蘭來咒詛恁。

10

我呣聽巴蘭的話，所以伊連連給恁祝福。按呢，我就救恁脫離伊的手。

11

恁過約但，到耶利哥；耶利哥人、亞摩利人、比利洗人、迦南人、赫人、革迦撒人、希未人、耶布斯人，攏及恁交戰；我將交佇恁的手。

12

我差大隻蜂飛佇恁的頭前，將亞摩利人二個王對恁的面前趕出去，呣是用你的刀，也呣是用你的弓。

13

我賞賜恁的土地，呣是恁所著磨的；也賞賜恁城，呣是恁所起造的。恁就踮佇彼中間，閣呣是恁所栽種的葡萄園橄欖園，恁得著食伊的果子。』

14

「今恁著敬畏耶和華，誠心實意服事伊，將恁列祖佇大河彼旁及佇埃及所服事的上帝除去，來服事耶和華。

15

若是恁掠服事耶和華做呣好，今仔日恁著揀恁所欲服事的：看是恁列祖佇大河彼旁所服事許個上帝？抑是恁所徛起的地亞摩利人許個上帝啊？論到我及我的家，阮決斷欲服事耶和華。」

16

百姓應講：「阮決斷無意思欲棄拺耶和華去服事別個上帝；

17

因為耶和華──阮的上帝曾導阮及阮的列祖對埃及地做奴才的家出來，佇阮的目睭前行許個大的神蹟，佇阮所行一切的路，所經過的逐國，攏有保護阮。

18

耶和華也佇阮的面前趕出攏總的百姓，趕出徛起此個所在的亞摩利人。所以，阮也欲服事耶和華，因為伊是阮的上帝。」

19

約書亞對百姓講：「恁會服事耶和華；因為伊是聖的上帝，決斷無容允用別個上帝匹配伊，無欲赦免恁的過失，恁的罪惡。

20

恁若離開耶和華去服事外邦的上帝，耶和華佇降福氣互恁了後，欲越轉來降災禍互恁，滅無恁。」

21

百姓應約書亞講：「無啦，阮定著欲服事耶和華。」

22

約書亞對百姓講：「恁揀耶和華，欲服事伊，恁家己做恁的干證！」應講：「好，阮做干證。」

23

約書亞講：「恁今著除去恁中間所有外邦的上帝，互恁專心歸向耶和華──以色列的上帝。」

24

百姓應約書亞講：「阮欲服事耶和華──阮的上帝，聽趁伊的話。」

25

彼日，約書亞就及百姓立約，佇示劍給設立律例法度。

26

約書亞將諸個話攏寫佇上帝律法的冊，閣將一塊大石頭　佇遐佇橡樹腳，耶和華聖所的邊仔。

27

約書亞對眾百姓講：「看啊，此個石頭欲做咱的干證；因為伊有聽見耶和華所吩咐咱一切的話，所以欲對恁做干證，驚了恁悖逆恁的上帝。」

28

約書亞就差百姓去，逐人就倒去伊所得著的地。

29

諸個事以後，耶和華的奴僕嫩的子約書亞，一百一十歲，就死。

30

就埋葬伊佇伊的業的界內，就是佇以法蓮山地的亭拿西拉，佇迦實山的北勢。

31

約書亞佇的日及約書亞死了後，許個知耶和華為以色列人所行諸個事的長老猶佇的時，以色列人服事耶和華。

32

以色列人對埃及所帶來約瑟的骨頭，埋葬伊佇示劍，就是雅各早前用一百銀對示劍的老父、哈抹許個子所買的地；就做約瑟子孫的業。

33

亞倫的子以利亞撒也死，就埋葬伊佇伊的子非尼哈所得著的山崙仔，就是佇以法蓮的山地。