約書亞記 第 21 章 - 台語漢字羅馬本

1

彼時，利未人諸個族長就近祭司以利亞撒及嫩的子約書亞，以及以色列人支派諸個族長，

2

佇迦南地的示羅給講：「前耶和華託摩西互阮有城通徛起，有郊野通做飼精牲的路用。」

3

以色列人就照耶和華所命令的，對家己的業中，將下面所記諸個城及的郊野互利未人。

4

為哥轄諸個族拈鬮：利未人中祭司、亞倫的子孫，對猶大支派、西緬支派、便雅憫支派，拈著十三座城。

5

哥轄其餘的子孫，對以法蓮支派的宗族、對但的支派、對瑪拿西半支派，拈著十座城。

6

革順的子孫，對以薩迦支派的宗族、對亞設的支派、對拿弗他利的支派、對踮佇巴珊的瑪拿西半支派，拈著十三座城。

7

米拉利的子孫，照的宗族，對流便的支派、對迦得的支派、對西布倫的支派，得著十二座城。

8

以色列人照耶和華託摩西所命令的，將諸個城，及的郊野，拈鬮分互利未人。

9

閣對猶大子孫的支派、西緬子孫的支派，下面記名許個城互，就是互利未子孫中哥轄宗族中亞倫的子孫；因為互代先拈鬮，

10

（見書21:9）。

11

用猶大山地的基列亞巴（就是希伯崙）及伊四圍的郊野互。亞巴是亞納族的祖。

12

獨獨彼個城的田及伊的鄉社，互耶孚尼的子迦勒做業。

13

閣用希伯崙及伊的郊野，就是死人逃閃的城，以及立拿及伊的郊野，互祭司亞倫的子孫，

14

閣互雅提珥及伊的郊野，以實提莫及伊的郊野，

15

何崙及伊的郊野，底璧及伊的郊野，

16

亞因及伊的郊野，淤他及伊的郊野，伯示麥及伊的郊野，共九座城，攏是對此二支派互。

17

閣對便雅憫的支派互基遍及伊的郊野，迦巴及伊的郊野，

18

亞拿突及伊的郊野，亞勒們及伊的郊野，共四座城。

19

亞倫的子孫做祭司者所得著的城共十三座城，及伊的郊野。

20

利未人哥轄子孫的宗族，就是哥轄其餘的子孫，拈鬮所得著的城是對以法蓮支派中分出的。

21

閣用以法蓮山地的示劍，就是死人者逃閃的城及的郊野；以及基色及伊的郊野，

22

基伯先及伊的郊野，伯和崙及伊的郊野互，共四座城；

23

閣對但的支派中互伊利提基及伊的郊野，基比頓及伊的郊野，

24

亞雅崙及伊的郊野，迦特臨門及伊的郊野，共四座城；

25

閣對瑪拿西半支派中互他納及伊的郊野，以及迦特臨門及伊的郊野，共二座城。

26

哥轄的子孫其餘的宗族，所得著的城，共十座，及的郊野。

27

閣對瑪拿西半支派的業中將巴珊的哥蘭，就是人者逃閃的城及伊的郊野，以及比施提拉及伊的郊野，共二座城，互利未宗族革順的子孫；

28

閣對以薩迦支派的業中，用基善及伊的郊野，大比拉及伊的郊野，

29

耶末及伊的郊野，隱干寧及伊的郊野，共四座城互；

30

閣對亞設支派的業中用米沙勒及伊的郊野，押頓及伊的郊野，

31

黑甲及伊的郊野，利合及伊的郊野，共四座城互；

32

閣對拿弗他利支派的業中用加利利的基低斯，就是人者逃閃的城及伊的郊野，以及哈末多珥及伊的郊野，加珥坦及伊的郊野，共三座城互。

33

革順人的城照伊的宗族，共十三座城，及伊的郊野。

34

對西布倫支派的業中，將約念及伊的郊野，加珥他及伊的郊野，

35

丁拿及伊的郊野，拿哈拉及伊的郊野，共四座城，互其餘的利未人，就是米拉利子孫的宗族；

36

閣對流便支派的業中，用比悉及伊的郊野，雅雜及伊的郊野，

37

基底莫及伊的郊野，米法押及伊的郊野，共四座城互；

38

閣對迦得支派的業中，將基列的拉末，就是死人者逃閃的城及伊的郊野，以及瑪哈念及伊的郊野，

39

希實本及伊的郊野，雅謝及伊的郊野，共四座城互。

40

利未人其餘的宗族，就是米拉利的子孫，照的宗族拈鬮所得著諸個城，共十二座城。

41

利未人佇以色列的業中所得著的城，共四十八座城，及的郊野。

42

諸個城四圍攏有伊的郊野，逐個攏是按呢。

43

按呢，耶和華將伊前咒誓欲互列祖的全地互以色列人，就得著做業，踮佇遐徛起。

44

耶和華照伊對的列祖一切所咒誓的，互四圍平安；的對敵，無一人會徛住佇的面前。耶和華將的對敵攏交佇的手。

45

見耶和華對以色列家所講的好話，無一句落空，攏有應驗。