約書亞記 第 18 章 - 台語漢字羅馬本

1

以色列人的全會攏聚集佇示羅，搭會幕佇遐，因為地方已經互卡贏。

2

以色列人中猶有七支派未得著的業。

3

約書亞對以色列人講：「耶和華──恁列祖的上帝所賞賜恁的地，恁延延呣去取伊，欲到底時啊？

4

恁逐支派著揀三人，我欲差去，就起身遍行彼個地，照的份額畫圖，就倒來我遮。

5

著將地分做七份；猶大猶原佇南方，踮佇伊的境內。約瑟家猶原佇北方，踮佇伊的境內。

6

恁著將地分做七份，畫圖提來我遮。我就欲佇耶和華──咱上帝的面前，給恁拈鬮。

7

獨獨利未人佇恁中間無份，因為耶和華祭司的職就是的業。迦得、流便，及瑪拿西半支派已經佇約但彼旁東勢得著地做業，就是耶和華的奴僕摩西所互的。」

8

許個人起身去，約書亞命令許個去欲畫地圖的人講：「恁去遍行彼個地，畫圖倒轉來我遮。我欲佇示羅遮，耶和華的面前，給恁拈鬮。」

9

就去，遍行彼個地，照的城畫做七份，記佇冊裡，倒轉到示羅的營中見約書亞。

10

約書亞就佇示羅，耶和華的面前，給拈鬮。約書亞佇遐，分地互以色列人，照的宗族。

11

給便雅憫的支派，拈鬮照的宗族所得著的地，彼個界是佇猶大的子孫、約瑟的子孫的中間。

12

北旁的界是對約但河起，伊的界上去到耶利哥邊仔的北勢；閣上去，過山向西勢去，直直到伯亞文的曠野；

13

彼個界對遐去到路斯，到路斯南勢的邊仔（路斯就是伯特利），伊的界閣落去到亞他綠亞達，倚近下面的伯和崙南旁的山；

14

伊的界對西勢，越落南，對伯和崙頭前南勢的山，直到猶大人的城基列巴力（就是基列耶琳）；這是西勢的界。

15

南旁是對基列耶琳的極頭起，伊的界對西勢出到尼弗多亞的水泉；

16

伊的界閣落去到便欣嫩山谷對面的山邊，就是利乏音山谷北勢的山；閣落去到欣嫩山谷，到耶布斯的南旁；閣落去到隱羅結；

17

閣對北勢出去到隱示麥，出去到亞都冥山坪對面的基利綠；閣落去到流便的子波罕的石磐；

18

閣去亞拉巴對面北勢的邊仔，落去到亞拉巴；

19

伊的界到伯曷拉北勢的邊仔，此個界直直到鹽海北旁的海灣，就是約但南勢的河口；這是伊南旁的界。

20

東旁的界到約但河。這是便雅憫人的業照的宗族，四圍的交界。

21

便雅憫的支派照的宗族所得著的城就是：耶利哥、伯曷拉、伊麥基悉、

22

伯亞拉巴、洗瑪臉、伯特利、

23

亞文、巴拉、俄弗拉、

24

基法阿摩尼、俄弗尼、迦巴，共十二座城，及伊的鄉社；

25

閣有基遍、拉瑪、比錄、

26

米斯巴、基非拉、摩撒、

27

利堅、伊利毗勒、他拉拉、

28

洗拉、以利弗、耶布斯（就是耶路撒冷）、基比亞、基列，共十四座城，及伊的鄉社。這是便雅憫人所得著的業，照的宗族。