約珥書 第 3 章 - 台語漢字羅馬本

1

「因為佇許個日當彼時，就是我互猶大及耶路撒冷受掠的人倒轉來的時，

2

我欲聚集萬百姓，導落去約沙法的山谷，佇遐審判；因為將我的百姓，就是我的產業以色列，分散佇列國中，閣分我的土地，

3

閣將我的百姓做鬮來拈，將囝仔換妓女，賣查某囝仔買酒飲。

4

「推羅啊，西頓啊，非利士四境啊，恁及我甚麼干涉？恁欲報應我嗎？恁若報應我，我欲緊緊互恁的報應歸佇恁的頭殼。

5

恁既然搶提我的金銀，閣將我所歡喜的寶物帶入恁的宮殿，

6

閣恁曾用猶大人及耶路撒冷的人賣互希臘人，欲互離開的境界遠遠。

7

看啊，我欲激動離開恁所賣到的所在，我欲互恁的報應歸佇恁的頭殼。

8

我欲將恁的子查某子賣佇猶大人的手，欲賣互示巴人就是遠遠的國。這是耶和華講的。」

9

著用此個宣布佇列邦中：著備辦交戰；激動勇士，互攏總的戰士進前上來。

10

著用恁的犁頭拍做刀劍，用恁的鐮仔拍做槍；軟弱者著講：我就是勇士。

11

四圍的列國啊，恁著緊緊來，相及聚集。耶和華啊，互你許個勇士落去遐。

12

列國的人攏著起來，上到約沙法的山谷；因為我欲坐佇遐，審判四圍的萬百姓。

13

恁著伸出鍥仔！因為五穀熟啦；來，踏落去！因為酒窟滿啦。酒池溢出來啦；的歹真大。

14

一陣一陣的人佇判斷的山谷，因為耶和華的日近啦，佇判斷的山谷。

15

日月黑暗，星辰無光。

16

耶和華欲對錫安喝喊，對耶路撒冷出聲，天及地就振動。總是耶和華欲做伊的百姓逃閃的所在，做以色列人的衛所。

17

恁就知我是耶和華──恁的上帝，徛起佇錫安──我的聖山者。彼時，耶路撒冷欲成做聖；外邦人無閣對伊的中間經過。

18

當彼日，大山欲滴甜的酒；小山欲流奶；猶大諸個溪、河攏有水流。欲有水泉對耶和華的殿出來，潤澤什亭的山谷。

19

埃及欲拋荒，以東變做拋荒的曠野，因為暴虐猶大人，閣流無罪的人的血佇的地。

20

總是猶大欲存到永遠；耶路撒冷欲存到代代。

21

早我未曾洗清流血的罪，今欲洗，因為耶和華徛起佇錫安。