以賽亞書 第 65 章 - 台語漢字羅馬本

1

平素未曾問我者，今我互問；未有尋我者，今我互抵著；未有求叫我的名者，我對講：我佇遮！我佇遮！

2

我通日伸手向許個悖逆的百姓；出在家己的意思行呣好的路。

3

諸個百姓常常當面惹著我的受氣；佇園中獻祭，佇磚瓦頂燒香；

4

徛起佇墓內，歇佇隱密的所在，食豬肉；的器具內有可惡的物做湯；

5

閣對人講：你著徛開！呣通倚近我，因為我比你卡聖。諸個人是我鼻孔中的火熏，是通日的火。

6

看啊，這攏寫佇我的面前。我無欲靜靜，的確欲行報應，報應佇的胸前，

7

耶和華講：因為恁的罪惡，及恁的列祖的罪惡，佇山裡燒香，佇嶺頂褻瀆我，所以我欲照平素所行的，報應佇的胸前。

8

耶和華按呢講：親像佇葡萄葩內抵著有新酒，有人講：呣通毀壞，因為有福氣佇彼內面。我因為我諸個奴僕的緣故亦欲照按呢來行，無欲一盡滅。

9

我欲對雅各的中間導出後裔，對猶大的中間導出承接我的眾山者。我揀的百姓欲承接伊；我諸個奴僕欲佇遐徛起。

10

沙崙欲成做飼羊的所在；亞割的山谷欲成做牛群倒睏的所在，攏是欲互尋我的百姓所得著。

11

總是恁諸個放拺耶和華，記得我的聖山，給迦德辦桌，給米尼灌奠調和的酒者，

12

我欲註定恁歸佇刀下，攏欲屈身受；因為我叫，恁無應；我講話，恁無聽趁；反轉行我目睭中看做歹的，揀我所無歡喜的。

13

所以，主耶和華按呢講：看啊，我的奴僕欲食，恁欲枵；看啊，我的奴僕欲飲，恁欲嘴乾；看啊，我的奴僕欲歡喜，恁欲見誚。

14

看啊，我的奴僕因為心快樂出歡喜的聲，恁欲因為心憂愁哀哭，閣因為心神憂傷哀哮。

15

恁欲留恁的名，互我揀的百姓指伊來咒詛。主耶和華欲恁，另外用新的名稱伊的奴僕。

16

按呢，佇地上為家己求福氣者，欲向真實的上帝求福氣；佇地上來咒誓者，欲指真實的上帝來咒誓。因為，早前的患難已經記得，亦對我的目睭前囥密。

17

看啊！我創造新天新地；以前的事無閣記念，亦無閣追想。

18

恁著因為我所創造的來永遠歡喜快樂；因為我創造耶路撒冷做歡喜的，創造伊的百姓做快樂的。

19

我欲因為耶路撒冷來歡喜，因為我的百姓來快樂；其中的確無閣聽見啼哭的聲及哀哮的聲。

20

其中的確無有幾日仔死去的嬰仔，亦無有歲壽無滿足的老人；因為一百歲死者猶算是囝仔，一百歲死的罪人猶久是受咒詛的。

21

欲起厝，家己徛起；栽種葡萄園，來食伊的果子。

22

無欲起造，互別人徛伊；無欲栽種，互別人食伊；因為我的百姓的日子欲親像樹的日子；我揀的百姓親手著磨得著的欲久長享受伊。

23

的確無空空著磨，所生者亦無抵著災害，因為攏是得著耶和華賜福者的後裔；的子孫亦欲及伊有份。

24

猶未求叫，我就應伊；抵抵講的時，我就聽伊。

25

豺狼欲及羊羔相及食；獅欲食草親像牛；土粉欲做蛇的食物。佇我的聖山遍地，攏無損傷，無殘害。這是耶和華講的。