以賽亞書 第 31 章 - 台語漢字羅馬本

1

有災禍啊！許個落去埃及求幫助者，倚靠馬亦倚靠車，因為伊多，倚靠馬兵，因為伊強，總是無意向以色列的聖者，亦無求耶和華。

2

耶和華其實有智慧；伊欲降災禍，無收倒轉伊的話，欲起來攻擊許個歹人的家，閣攻擊許個幫助人做歹者。

3

埃及人不過是人，呣是上帝；的馬不過是肉，呣是神。耶和華一下伸手，彼個幫助人者欲觸著，彼個受幫助者欲跋倒，攏相及滅無。

4

因為耶和華對我按呢講：親像獅及細隻獅顧伊所抓著的物就噤噤哮，雖然召集多多牧者來攻擊伊，伊攏無因為的聲來驚惶，亦無因為的喧嘩來屈服。親像按呢，萬軍的耶和華欲臨到，交戰佇錫安山及伊的山嶺。

5

親像鳥展開翅，按呢萬軍的耶和華欲保護耶路撒冷。閣保護伊閣牽救伊，閣過來救伊。

6

以色列的子孫啊，恁所深深悖逆的，今著歸向伊。

7

因為到彼日，逐人欲將伊銀的偶像，金的偶像，就是恁的手所造、陷落恁佇罪者，攏放拺伊。

8

亞述人欲死佇刀下，呣是對佇人；亦呣是平常人的刀欲滅伊。伊欲對刀的面前來逃閃；伊的少年人欲做苦工。

9

伊的石磐欲因為驚惶來無去；伊的首領欲因為大旗來驚惶。這是彼個有火佇錫安、有爐佇耶路撒冷的耶和華講的。