何西阿書 第 14 章 - 台語漢字羅馬本

1

以色列啊，你著倒轉來歸耶和華──你的上帝；因為你對你的罪來跋倒。

2

著備辦話倒轉來歸耶和華，對伊講：求你赦免攏總的罪，用恩典接納阮；阮就用嘴謳咾來替牲禮。

3

亞述會救阮，阮無閣騎馬，也無閣對阮的手所造的講：你是阮的上帝。因為無父的子對你得著憐憫。

4

我欲醫好伊的背叛，我欲白白疼；因為我已經對息我的受氣。

5

我欲佇以色列親像露水；伊欲開花親像百合花，伊欲伸根親像黎巴嫩。

6

伊的枝欲伸長；伊的娞欲親像橄欖樹；伊的芳欲親像黎巴嫩。

7

踮佇伊的蔭影者欲倒轉來，欲親像五穀閣翻青，開花親像葡萄樹。伊的芳欲親像黎巴嫩的酒。

8

以法蓮欲講：我及偶像猶有甚麼干涉啊？我有應伊，閣看顧伊。我親像青翠的松樹；你的果子對我來得著。

9

是誰是智慧的人，會明白諸個事；是誰是通達的人，會知諸個。因為，耶和華的道路是正直；義人欲行佇彼中間，悖逆的人欲跋倒佇彼頂面。