創世記 第 13 章 - 台語漢字羅馬本

1

亞伯蘭對埃及上去，伊及伊的某及伊所有的連羅得，攏去南地。

2

亞伯蘭的牛、銀、金真多。

3

伊對南地漸漸去伯特利，到伯特利及艾的中間，早前搭布棚的所在，

4

到伊起頭起壇的所在；亞伯蘭佇遐求叫耶和華的名。

5

及亞伯蘭同行的羅得亦有羊群、牛群、布棚。

6

彼個地就容允得相及徛；因為的財物多，才會相及徛。

7

亞伯蘭的牧者及羅得的牧者相爭。當時迦南人及比利洗人佇彼個地徛起。

8

亞伯蘭給羅得講：「你我呣通冤家，你的牧者及我的牧者亦呣通冤家，因為咱是骨肉的親。

9

全地豈無佇你的目睭前嗎？請你離開我：你倒旁，我就正旁；你正旁，我就倒旁。」

10

羅得抬目看約但河一片的平洋，直到瑣珥的路，攏真潤澤，彼個地佇耶和華未滅所多瑪、蛾摩拉以前親像耶和華的園，也親像埃及的地。

11

對按呢羅得揀約但河一片的平洋，遷徙去東勢；就大家分開。

12

亞伯蘭徛起迦南地，羅得徛起平洋諸個城，徙伊的布棚到所多瑪。

13

所多瑪人極歹大大得罪耶和華。

14

羅得離別了後，耶和華對亞伯蘭講：「你抬目對你所踮的所在，向東西南北來看；

15

因為你所看見一切的地，我攏欲互你及你的後裔，直到永遠。

16

我亦欲互你的後裔親像地上的土沙，人若會算地上的土沙才會算你的後裔。

17

你起來，遍行此個地的橫直，因為我欲將此個地互你。」

18

亞伯蘭就搬徙布棚，到希伯崙倚幔利許個橡樹徛起；佇遐為耶和華起一座壇。