以斯拉記 第 9 章 - 台語漢字羅馬本

1

諸個代誌已經做明白，諸個首領來見我，講：「以色列百姓及祭司及利未人，無家己分別離開諸個所在的百姓，趁可惡的事就是趁迦南人、赫人、比利洗人、耶布斯人、亞捫人、摩押人、埃及人、亞摩利人的事。

2

因為為家己及的子娶的查某子做某，致到聖的後裔及彼所在的百姓參插；閣首領及的官長做的罪魁。」

3

我一下聽見此個事，就拆裂我的衫及袍，掇我的頭毛及嘴鬚，卬愕坐。

4

見若為以色列上帝的話來愕愕惙的，攏聚集到我遮，因為受掠倒來的人所犯的罪。我就卬愕坐，到獻下昏祭的時。

5

獻下昏祭的時，我對我的鬱悶起來，衫袍拆裂，雙腳跪落去向耶和華──我的上帝抬起手，講：

6

「我的上帝啊，我見誚漏氣，呣敢抬頭向我的上帝你；因為阮的罪淹過頭殼，阮的罪惡抵天。

7

對阮列祖的日到今仔日，阮的罪惡真重；為著阮的罪過，阮及阮的列王、祭司攏交佇外邦列王的手，受刀劍、受擄掠、受搶劫、面見誚親像今仔日的款。

8

今得著耶和華──阮的上帝暫且施恩互阮，給阮留諸個逃脫的人，互阮親像得著鐵釘釘佇伊聖的所在，互阮的上帝通照光阮的目睭，互阮佇奴隸中厘仔復活。

9

因為阮是奴隸，總是佇奴隸中，阮的上帝無棄拺阮，閣互阮佇波斯列王的面前得著恩典，互阮復活，會閣起阮上帝的殿，修理許個毀壞的所在，互阮佇猶大及耶路撒冷得著有牆壁。

10

「阮的上帝啊，既然按呢，阮猶有甚麼話通講啊？因為阮已經棄拺你的命令，

11

就是你託你的奴僕諸個先知所命令的講：『恁所去欲承接做業的地是污穢的地；為著許個國的百姓的污穢及可惡的事，因為互全地對此邊到彼邊滿滿垃墋。

12

所以呣通將恁的查某子嫁的子，也呣通給恁的子娶的查某子，永永呣通給圖謀平安及的利益，按呢恁就通強盛，食此所在的好物，續留互恁的子孫永遠做業。』

13

阮因為阮的歹所行及阮的重罪，已經抵著這一切的事，阮的上帝啊，你刑罰阮卡輕阮的罪所應該得著的，閣給阮留諸個脫離的人。

14

阮豈通閣悖逆你的命令，及行可惡的事的百姓結親嗎？若按呢，你豈無欲受氣阮，到滅無阮，致到無一個留，無一個逃脫嗎？

15

耶和華──以色列的上帝啊，你是公義，阮諸個留的人才得著逃脫，親像今仔日。看啊，阮佇你的面前有罪惡，因為按呢無人佇你的面前徛會住。」