以斯拉記 第 5 章 - 台語漢字羅馬本

1

彼時，有先知人就是先知哈該及易多的孫撒迦利亞奉以色列上帝的名對猶大及耶路撒冷的猶大人傳先知的話互。

2

對按呢撒拉鐵的子所羅巴伯及約薩達的子耶書亞攏起來動工起造上帝的殿佇耶路撒冷，有上帝的先知及佇遐幫助。

3

當時河外的總督達乃及示他波斯乃，及的同伴來問講：「是誰出令互恁起此個殿，成此個牆啊？」

4

阮就按呢給講起此間殿的人叫甚麼名。

5

上帝的目睭看顧猶大的長老，許個人無互停工，聽候此個代誌到大利烏，得著文書來回覆此個事。

6

河外的總督達乃及示他波斯乃，及伊的同伴，就是踮佇河外的亞法薩迦人，奏大利烏王的表章記佇下底。

7

奏王的表章內有講：「願大利烏王萬事平安。

8

王著知，阮去猶大省，到至大上帝的殿，此個殿是用大塊石起造的。楹仔插入牆內，做工真緊，的所做亨通。

9

彼時阮問許個長老給講：『是誰出令互恁起此個殿，成此個牆啊？』

10

閣問的名，欲記的首領的名，通奏互王知。

11

按呢應阮講：『阮是天地的上帝的奴僕，閣再起多多年前所起的殿，就是以色列的一位大君王所起所成的。

12

獨獨因為阮的列祖惹天頂的上帝的受氣，伊將交佇迦勒底人巴比倫王尼布甲尼撒的手，王就拆毀此間殿，掠百姓到巴比倫。

13

當巴比倫王古列元年，古列王出令著起此間上帝的殿。

14

上帝殿內金、銀的器具，就是尼布甲尼撒對耶路撒冷的殿內提出來，帶去下佇巴比倫的廟的，古列王對巴比倫的廟內提出來，交互伊所設立的總督，名叫設巴薩，

15

給伊講著帶諸個器具去，下佇耶路撒冷的殿，也著起上帝的殿佇伊的原位。

16

對按呢此個設巴薩來下耶路撒冷上帝殿的地基。此間殿對彼時到今起猶未好。』

17

今王若掠做好，請查考王佇巴比倫的國庫，看古列王果然有降詔佇耶路撒冷起上帝此間殿抑無？請王佇此個事降旨來指示阮。」