以西結書 第 9 章 - 台語漢字羅馬本

1

伊向我的耳孔中大聲叫講：「著叫許個管此個城的人來，逐人的手著抬滅生命的家私。」

2

忽然有六個人對向北頂的門彼條路來，逐人手抬人的家私；內中有一人穿幼苧衫，腰裡掛墨壼。入去，徛佇銅壇的邊頭。

3

以色列上帝的榮光本佇兵的頂面，今對遐上去，徙到殿的戶椗。伊叫彼個穿幼苧衫，腰裡掛墨壼的人來。

4

耶和華對伊講：「遍行佇城內，就是遍行耶路撒冷的中間，見若為著城內所行一切可惡的事來吐氣歕嗐的人，就做記號佇伊的頭額。」

5

我的耳孔中聽見伊對其餘的人講：「著隨伊遍行通城，來死人。恁的目睭莫得疼惜，恁亦莫得可憐。

6

著一盡死老人、少年人、在室女、嬰仔、婦仁人，亦著對我的聖所起，獨獨見若有記號者莫得近倚伊。」對按呢就對殿前的長老起。

7

伊對講：「著拍垃墋此間殿，互院內充滿受的人。恁著出去！」就出去，佇城內死人。

8

去人的時，剩我佇遐；我就仆佇地裡，叫講：「嗐啊！主耶和華啊，你將大受氣傾佇耶路撒冷，豈是欲將以色列人一盡滅無嗎？」

9

伊就對我講：「以色列家及猶大家的罪過極其重。遍地有流血的事，滿城有冤枉，因為講：『耶和華已經離開此個地，耶和華無看。』

10

所以，我的目睭無欲疼惜，我亦無欲可憐，欲照所行的報應佇的頭殼頂。」

11

看啊，彼個穿幼苧衫，腰裡罣墨壼的人將此個事回覆講：「我已經照你所吩咐的行啦。」