以西結書 第 44 章 - 台語漢字羅馬本

1

伊閣帶我倒轉到聖所的外面向東的門；彼個門關。

2

耶和華給我講：「此個門的確著關，呣通開，無論甚麼人呣通對遐入；因為耶和華──以色列的上帝已經對遐入，所以著長長關。

3

論到人君，因為伊是人君，通坐佇彼內面，佇耶和華的面前食餅。伊著對此個門的廊入，也著對遐出。」

4

伊閣帶我對北門到殿的頭前。我就看，看見耶和華的榮光充滿耶和華的殿，我就仆落地。

5

耶和華給我講：「人子啊，我對你所講起耶和華殿內一切的禮儀法度，你著注意，用目睭看，用耳孔聽，也著注意殿堂入的所在及聖所一切出去的所在。

6

你也著對許個悖逆的對以色列家講，主耶和華按呢講：以色列家啊，恁行一切可惡的事，著掠做夠額！

7

恁獻我的餅及油及血的時，恁導許個心無受割禮身軀也無受割禮的外邦人入我的聖所，來拍垃墋我的殿；閣背我的約，加添恁一切可惡的事。

8

恁也無盡忠佇顧守我聖物的職份，是為著恁本身派別人佇我的聖所顧守我交代恁的職份。

9

「主耶和華按呢講：以色列族中的外邦人，就是心無受割禮，身軀無受割禮的外邦人，攏呣通入我的聖所。」

10

「當以色列行迷路的時，有利未人離開我遠遠，就是行迷路離開我、去隨的偶像，著擔當的罪過。

11

總是欲佇我的聖所做差用，管理殿堂的門，佇殿內做差用；為著百姓燒祭及祭祀的精牲，欲徛佇伊的面前來服事。

12

既然佇的偶像的面前做百姓的差用，閣做塞礙互以色列家陷落罪過，所以我抬起手攻擊：欲擔當的罪過。這是主耶和華講的。

13

通親近我，對我行祭司的職份，也呣通親近我一件聖物，就是至聖的物；欲擔當的見誚及所行可惡的事。

14

總是我欲互擔當顧守殿的職份，辦理其中一切的事，及彼內面所著做的工。」

15

「以色列族行迷路離開我的時，祭司利未人撒督的子孫猶原顧守我的聖所。欲親近我、服事我，閣徛佇我的面前，用油及血獻互我。這是主耶和華講的。

16

欲入我的聖所，就近我的桌服事我，守我所交代做的。

17

入內院的門的時著穿幼苧衫。佇內院的門及佇殿內行職份的時攏呣通穿羊毛的衣服。

18

的頭殼頂著戴幼苧布的帽，腳腿著穿幼苧布的褲；彼個會流汗的攏呣通穿。

19

出去到外院就是到外院的百姓遐，著褪行職份的衣服，下佇聖的房間，穿別號的衣服，免得用的衫互百姓成聖。

20

呣通剃頭，也呣通互頭毛發長長，獨獨著剪頭毛。

21

祭司入內院的時攏呣通飲酒。

22

也呣通娶寡婦及受離出的婦仁人做某，獨獨著娶以色列族中的在室女，抑是祭司的寡婦。

23

著互我的百姓知聖的及平常的的精差，閣互分別無清氣的及清氣的。

24

有相告的事，著徛判斷，著照我的判斷來判斷。佇我一切的節期著守我諸個法度、律例，也著守我諸個安息日做聖。

25

呣通近倚死人拍垃墋家己，獨獨通為著老父、老母、子、查某子、兄弟、及猶未出嫁的姊妹拍垃墋家己。

26

伊已經清氣了後，著給伊閣算七日。

27

當伊入聖所到內院的日，欲佇聖所服事，著為本身獻贖罪祭。這是主耶和華講的。

28

「的確有產業，我是的產業。呣通佇以色列中互基業；我是的基業。

29

素祭、贖罪祭、補過失祭，攏通食伊，以色列中所獻一切的物攏歸佇。

30

見若起頭熟的物的第一個及一切禮物中的禮物攏歸佇祭司。恁也著用起頭出的麥粉互祭司；通互福氣臨到你的家。

31

無論鳥抑是獸，見若家己死的，抑是受擘拆的，祭司攏呣通食。」