以西結書 第 39 章 - 台語漢字羅馬本

1

「人子啊，你著向歌革來宣傳攻擊伊，講主耶和華按呢講：羅施、米設、土巴的人君歌革啊，我及你做對敵。

2

我欲互你越轉，欲導你進前，互你對北方的極頭來，帶你到以色列的山。

3

我欲對你的倒手拍磕落你的弓，對你的正手拍落你的箭。

4

你及你的軍隊，以及及你來的列國人，欲倒佇以色列的山。我欲將你互逐樣的鷹鳥及田野的野獸做食物。

5

你欲倒佇田野，因為我曾講伊。這是主耶和華講的。

6

我也欲降落火佇瑪各及海嶼安然徛起的人的身上，就知我就是耶和華。

7

「我欲佇我的百姓以色列中顯出我的聖名，也無容允我的聖名閣受褻瀆，列國人就知我就是耶和華──以色列中的聖者。

8

主耶和華講：看啊，代誌來啦，也欲成伊，這是我所講的日。

9

「徛起以色列城的人欲出去起火燒伊的家私，就是大細的盾牌、弓箭、槌仔、及槍，攏欲用來燃火，歷過七年久，

10

甚至無欲對田野拾柴，也無欲對樹林剉樹；因為欲用家私燃火，閣欲搶許個搶的人，劫許個劫的人。這就是主耶和華講的。」

11

「當彼日，我欲將以色列地，海的東勢，人所經過的山谷，賞賜歌革做塚地，阻擋經過的人的路。佇遐人欲埋葬歌革及伊的眾人，欲稱彼所在做哈們歌革的山谷。

12

以色列家欲埋葬歷過七月日的久，互彼個地清氣。

13

通國的百姓欲埋葬。當我得著榮光的日，此個事欲互得著名聲。這是主耶和華講的。

14

欲派人常常巡查遍地，及經過的人相及葬許個剩佇地裡的身屍，通清氣彼個地方。到七月日滿，欲閣四界尋。

15

巡查遍地的人欲經過，若有人看見人的骨骸，就佇遐立一個記號，聽候埋葬的人埋葬伊佇哈們歌革的山谷。

16

也欲有一個城名叫哈們那，欲按呢清氣彼個地。

17

「人子啊，主耶和華按呢講：你著對逐樣的飛鳥以及田野的野獸講：恁著聚集做陣來，著對四方聚集到我為著恁所獻的祭，就是以色列山的大祭，互恁通食肉、飲血。

18

恁欲食勇士的肉，飲地上首領的血、公的綿羊、羊仔、公的山羊、公的牛，攏是巴珊肥的精牲。

19

恁食我為著恁所獻的祭，欲食油到飽，飲血到醉。

20

恁欲佇我的桌食馬匹及坐車的，及勇士及一切的戰士到飽飽。這是主耶和華講的。」

21

「我欲顯明我的榮光佇列國中；列國也欲看見我所行的審判及我所下佇身上的手。

22

按呢，對彼日以後，以色列家欲知我是耶和華──的上帝。

23

列國也欲知以色列家受掠是因為的罪過。得罪我，我對掩我的面，將交佇的對敵的手，就攏倒佇刀下。

24

我照的污穢照的過失款待，對掩我的面。」

25

所以主耶和華按呢講：「我欲互雅各受掠的人倒來，也欲憐憫以色列全家，

26

也欲為著我的聖名熱心。

27

佇本所在安然徛起，無人互驚，佇我將對列國中導倒來，對對敵的地聚集來。我佇列國的面前，佇身上顯明做聖的時，欲擔當的見誚及干犯我一切的罪。

28

我互受掠佇列邦，閣聚集倒來本所在，無留一人佇遐；就知我是的上帝──耶和華。

29

我也無閣對掩我的面，因為我已經將我的神降落佇以色列家。這是主耶和華講的。」