以西結書 第 15 章 - 台語漢字羅馬本

1

耶和華的話臨到我講：

2

「人子啊，葡萄樹就是樹林內樹木中的一枝，伊比逐號樹有甚麼卡贏？

3

豈會通對伊取柴料做甚麼路用，抑是通用伊做杙仔來吊甚麼器具嗎？

4

看啊，是佇火裡做火柴，雙頭已經互火燒了，中央亦受燒，猶有甚麼路用啊？

5

看啊，好好的時尚且呣合甚麼路用，何況互火燒已經歹去，猶會合甚麼路用啊？」

6

所以，主耶和華按呢講：「親像樹林內諸個樹中的葡萄，我所交付佇火中做火柴的，我亦欲照按呢款待耶路撒冷徛起的百姓。

7

我欲對變面；對火中出來，總是火欲燒滅。我對變面的時，恁就知我是耶和華。

8

我欲互此所在荒廢，因為行代誌來犯罪。這是主耶和華講的。」