出埃及記 第 39 章 - 台語漢字羅馬本

1

用藍色、紫色、朱紅色的料做精工的衣服，佇聖所穿來服事，閣給亞倫做聖衫，是照耶和華所吩咐摩西的。

2

伊用金及藍色、紫色、朱紅色的料，及過紡的幼苧做以弗得；

3

將金搥做薄片，剪做線，參佇藍色、紫色、朱紅色的料，及幼苧用奇巧的工做的。

4

閣給伊做披肩，來連伊互伊雙旁相連。

5

彼頂面奇巧的工織的帶，所用來縖的，及以弗得同一樣的做法，及伊連做一塊，用金及藍色、紫色、朱紅色的料，及過紡的幼苧做伊，照耶和華所吩咐摩西的。

6

閣琢紅瑪瑙入佇金槽裡，照刻印的法，刻以色列許個子的名佇彼頂面；

7

安佇以弗得的披肩，為以色列人做紀念的石；照耶和華所吩咐摩西的。

8

伊用奇巧的師傅的手工做補及以弗得同一樣的做法，用金及藍色、紫色、朱紅色的料，及過紡的幼苧做的。

9

補是四方的，拗做雙重；長一　，闊一　，是雙重的，

10

頂面入寶石四　：一　是紅寶石、黃玉、紅玉，這是第一　；

11

第二　是綠寶石、藍寶石、金剛石；

12

第三　是紫色的瑪瑙、白色的瑪瑙、紫色的水晶；

13

第四　是綠玉、紅瑪瑙、碧玉。諸個攏入佇金槽內。

14

諸個寶石照以色列的子的名，共十二塊，親像刻印，每塊刻一個的名為著十二支派來做伊。

15

用好金拍鍊仔，親像索仔安佇補。

16

閣做二個金槽及二個金環，將此二個環安佇補的雙頭。

17

將所拍彼二條金鍊仔連佇雙頭二個環，

18

用所拍二條鍊仔的雙頭連佇二個槽，安佇以弗得披肩的頭前。

19

做二個金環，下佇補雙頭的墘近以弗得向內彼旁。

20

閣做二個金環，安佇以弗得披肩下面的頭前，倚近相連的所在，佇以弗得奇巧的工所織的帶的頂面。

21

用藍色的幼帶將補的環及以弗得的環縛相連，互伊粘佇以弗得奇巧的工所織的帶，互補及以弗得無離縫，是照耶和華所吩咐摩西的。

22

伊用織布的工做以弗得內面的外袍，歸領是藍色。

23

袍的對中做一個領孔，孔的周圍織領緣，親像戰甲的領孔，免得破裂。

24

袍的下腳裒，用藍色、紫色、朱紅色的料，及過紡的幼苧做石榴，

25

閣用好金做瑊鈴，用瑊鈴含石榴下佇袍四圍的下腳裒石榴的中間：

26

一粒瑊鈴一粒石榴，一粒瑊鈴一粒石榴，佇袍四圍的下腳裒通穿來服事，是照耶和華所吩咐摩西的。

27

用織成的幼苧布給亞倫及伊許個子做內衫，

28

也做幼苧布的帽及幼苧布娞娞包頭殼的巾，用過紡的幼苧布做褲，

29

閣用過紡的幼苧及藍色、紫色、朱紅色的料，用　花的手工做腰帶，是照耶和華所吩咐摩西的。

30

用好金做聖的冕旒的牌，照刻印的法，刻字佇彼頂面講「做聖歸耶和華」。

31

閣用藍色的帶將牌縛佇帽頂，是照耶和華所吩咐摩西的。

32

對按呢，聚集的會幕，一切的工攏做明白。凡若耶和華所吩咐摩西的，以色列人照按呢做。

33

送到摩西遐。就是會幕，布棚，及攏總的器具，伊的、板、楗、柱、臼，

34

染紅羊　皮的蓋、海狗皮的蓋，及遮截的帳簾，

35

法櫃及伊的槓及施恩所，

36

桌及伊攏總的器具及排列的餅，

37

好金的燈台及伊的燈盞，就是排列的燈盞，及伊攏總的器具，及點光的油，

38

金壇、抹的油、芳的香料、布棚門的門簾，

39

銅壇及伊的銅的層，伊的槓及伊攏總的器具，洗盪的盆及伊的座，

40

場的帳帷及伊的柱、伊的臼，場門的門簾、用的索、釘的釘，及布棚及會幕內一概做路用的器具，

41

精工的衣服佇聖所穿來服事，及祭司亞倫的聖衫以及伊的子的衫做祭司來服事。

42

以色列人照耶和華所吩咐摩西一切的話做一切的工。

43

摩西看見一切的工，看啊，已經做成，照耶和華所吩咐的，照按呢做，摩西就給祝福。