出埃及記 第 24 章 - 台語漢字羅馬本

1

耶和華給摩西講：「你及亞倫、拿答、亞比戶，及以色列長老中七十人，攏著上到耶和華遮，遠遠仆落去拜。

2

獨獨摩西通親近耶和華；其餘呣通親近；百姓也呣通及伊上來。」

3

摩西到，將耶和華一切的話一切的法度講互百姓聽。眾百姓同聲應講：「耶和華所講的話，阮欲攏遵趁。」

4

摩西將耶和華的話攏寫起來。透早起來，佇山下起一座壇，照以色列十二支派　十二支柱，

5

閣差以色列中的少年人去獻燒祭，也用牛做平安祭獻互耶和華。

6

摩西將血的一半貯佇盆裡，一半灑佇壇裡；

7

閣提約的冊讀互百姓聽。講：「耶和華所講的，阮欲攏遵趁來行。」

8

摩西將血灑百姓，講：「看啊！這是立約的血，是耶和華照這一切的話及恁所立的。」

9

摩西、亞倫、拿答、亞比戶，及以色列長老中七十人，攏上去。

10

看見以色列的上帝，伊的腳下有親像平舖的藍寶石，親像天原質的光亮。

11

伊無出手害以色列尊貴的人。看見上帝；也食也飲。

12

耶和華給摩西講：「你上山就近我，踮佇遮，我欲將石碑及律法以及誠命，我所寫的賞賜你，通教示。」

13

摩西及跟隨伊的約書亞起來，摩西上上帝的山。

14

給長老講：「恁踮遮等阮，聽候阮倒轉來恁遮，看啊，亞倫、戶珥及恁佇。人若有代誌，通來尋。」

15

摩西上山，山有雲遮蓋。

16

耶和華的榮光停佇西奈山；雲遮伊六日久，第七日伊對雲中叫摩西。

17

耶和華榮光的款式，親像火燒佇山頂，以色列人親目看見。

18

摩西入雲中上山，摩西佇山頂四十日四十暝。