撒母耳記下 第 12 章 - 台語漢字羅馬本

1

耶和華差拿單去見大衛。伊到伊遐，給伊講：「佇一個城有二人：一個好額，一個喪鄉。

2

好額的有牛羊真多；

3

喪鄉人無甚麼，只有一隻羊種仔就是伊所買來飼的。伊及伊佇遐及伊的子相及長大，食伊所食的，飲伊的杯，睏佇伊的胸前，看伊親像家己的查某子。

4

有一個出外人到好額人遐；好額人呣甘對伊的羊群牛群取來備辦互人客食，反轉取喪鄉人的羊仔，備辦來互人客食。」

5

大衛大受氣彼人，給拿單講：「我指永活的耶和華來咒誓，行此個代誌的人著死！

6

著賠伊的羊仔四倍；因為伊行此個事，也因為伊無憐憫的心。」

7

拿單給大衛講：「你就是彼人！耶和華──以色列的上帝按呢講：『我用油抹你做以色列的王，救你脫離掃羅的手。

8

我閣用你的主的厝宅互你，用你的主許個某交佇你的胸前，閣用以色列及猶大家互你；諸個若猶掠做小可，我會加添此號彼號互你。

9

你啥事看輕耶和華的命令，行伊所看做歹的事？你用刀死赫、人烏利亞，就是借亞捫人的刀死伊，閣娶伊的某做你的某。

10

今刀劍欲永遠無離開你的家，因為你看輕我，娶赫人烏利亞的某做你的某。』

11

耶和華閣按呢講：『看啊，我欲對你的家興起災禍攻擊你；我欲佇你的目睭前，用你許個某互你的厝邊，伊欲佇青天白日及你許個某同房。

12

因為你佇暗中行伊，總是我欲佇青天白日，佇以色列眾人的面前，行此個事。』」

13

大衛給拿單講：「我有得罪耶和華！」拿單給大衛講：「耶和華已經除去你的罪，你致到死。

14

總是因為你行此個事，互耶和華的對敵有褻瀆的因由，所以，伊給你所生的子的確死。」

15

拿單就倒去厝。耶和華拍烏利亞的某給大衛所生的嬰仔，伊就破病真傷重。

16

大衛就為著彼個子祈禱上帝，大衛閣禁食，入內面，通暝倒佇地裡。

17

伊家中許個老人起來到伊的身邊，欲扶伊對地起來，總是伊呣肯，也無欲及相及食。

18

到第七日，囝仔死。大衛的人臣呣敢給伊講囝仔死啦，因為講：「囝仔猶活的時，咱勸伊，伊尚且呣聽咱的話，若給伊講囝仔死，伊傷心欲到怎樣？」

19

大衛看見伊的人臣嗤舞嗤呲講，大衛就知囝仔已經死，大衛就問伊的人臣講：「囝仔死啦嗎？」講：「死啦。」

20

大衛就對地裡起來，洗身軀，抹油，換衫，入耶和華的殿敬拜；然後倒去伊的厝，伊吩咐人排物佇伊的面前，他就食。

21

人臣問伊講：「你所行的是怎樣？囝仔活的時，你禁食啼哭；囝仔死，你反轉起來食。」

22

大衛講：「囝仔猶活，我禁食啼哭；因為我拍算講，豈採耶和華憐憫我，互囝仔活也敢。

23

囝仔已經死，我禁食欲啥事，我豈會互伊倒轉來嗎？我欲去伊遐，伊會來我遮。」

24

大衛安慰伊的某拔示巴，入去及伊同房，伊就生子，就給伊號名叫所羅門。耶和華也疼伊，

25

就託先知拿單給伊號名，叫耶底底亞，因為耶和華疼伊。

26

約押攻亞捫人的拉巴取的京城。

27

約押差使者去見大衛，講：「我攻拉巴，已經取伊的水城。

28

今你著聚集其餘的百姓來，紮營攻此個城來取伊，驚了我取此個城，人就用我的名來叫伊。」

29

大衛就聚集眾百姓，去拉巴攻擊，來取伊，

30

伊取的王頭殼頂的冕旒，伊的金重一他連得，閣鑲寶石。將此個來戴佇大衛的頭殼。伊閣對城內取真多財物，

31

閣掠許個城的百姓出來，互用鋸仔，及鐵耙，以及鐵的斧頭做苦工，抑是佇瓦窯著磨；伊款待亞捫人許個城攏是按呢。大衛就及眾百姓倒去耶路撒冷。