列王紀下 第 11 章 - 台語漢字羅馬本

1

亞哈謝的老母亞她利雅看見伊的子已經死，就起來剿滅一盡的王親。

2

總是約蘭王的查某子，亞哈謝的姊妹約示巴，將亞哈謝的子約阿施對許個受的王子中偷抱出來，將伊及伊的奶母囥佇睏房裡，對亞她利雅蓋密伊，互伊無受。

3

後來及伊相及囥佇耶和華的殿歷過六年久；亞她利雅管理彼個地方。

4

到第七年，耶何耶大差人叫迦利族及護衛兵的百總，導入耶和華的殿到伊遐，就及立約，互佇耶和華的殿咒誓，閣用王的子互看，

5

閣吩咐講：「恁著按呢行：見若恁佇安息日入來的三份一著顧守王宮，

6

三份一著佇蘇珥的門，三份一著佇護衛兵後面的門。按呢顧守王宮，阻止人出入。

7

見若恁佇安息日出去的二份著顧守耶和華的殿佇王的四圍；

8

恁逐人手抬家私，四圍保護王。見若人入恁的班列的著互伊死，王出王入的時，恁著跟隨伊。」

9

許個百總照祭司耶何耶大一切所命令的去行，逐人帶輪著安息日入來的人及輪著安息日出去的人來到祭司耶何耶大遐。

10

祭司就將耶和華殿內所囥大衛王的槍及屏牌交互許個百總。

11

護衛兵手裡抬家私，佇壇及殿遐，對殿的正旁到殿的倒旁，徛佇王的四圍。

12

祭司導王的子出來，給伊戴冕旒，將律法的冊互伊，用油抹伊設立伊做王；就拍手掌講：「願王萬歲！」

13

亞她利雅聽見護衛兵及百姓的聲，就到百姓遐，入耶和華的殿，

14

看見王照例徛佇柱邊，軍長及歕號頭的徛佇王的左右，國內眾百姓歡喜歕號頭；亞她利雅就拆裂伊的衫，喝講：「反叛啊！反叛啊！」

15

祭司耶何耶大吩咐管轄軍隊的百總，對講：「對班列的中間趕伊出去，見若隨伊的著用刀死伊！」因為祭司講「呣通佇耶和華的殿伊。」

16

閃開雙旁互伊去；伊對上到王宮的馬路去，佇遐受。

17

耶何耶大就佇耶和華及王及百姓的中間立約，互做耶和華的百姓；閣佇王及百姓的中間立約。

18

對按呢國內的眾百姓到巴力的廟，拆毀伊，拍碎許個壇及偶像，閣佇壇前拍死巴力的祭司瑪坦。祭司設官員來顧守耶和華的殿，

19

閣導百總及迦利族及護衛兵，以及國內眾百姓，對耶和華的殿導王落來，對護衛兵的門路入王宮，伊就坐王位。

20

國內的百姓攏歡喜，通城攏安靜。佇王宮遐用刀死亞她利雅。

21

約阿施坐位的時七歲。