哥林多後書 第 3 章 - 台語漢字羅馬本

1

阮豈是此霎才閣家己舉薦嗎？抑是阮親像別人欠用人的薦批互恁抑是欠用恁的薦批互別人啊？

2

恁就是阮的批寫佇阮的心，互眾人所知所讀的。

3

恁明明是基督的批，對阮的工來成的。呣是用墨寫的，就是用真活上帝的神；呣是佇石碑，就是佇肉體的心碑。

4

阮倚靠基督，向上帝有此號的信。

5

呣是講阮家己會堪得對家己來想出甚麼；阮所以會堪得，是對上帝。

6

伊也互阮會堪得擔當新約的差用，呣是文字的，是神靈的；因為文字致到死，神靈致到活。

7

今致到死的職份用字刻佇石裡的尚且有榮光，致到以色列人會注目看摩西的面，是為著伊的面的榮光；這榮光是漸漸衰退的，

8

何況神靈的職份豈無閣卡有榮光嗎？

9

因為定罪的職份既然榮光，就致到義的職份伊的榮光閣卡充滿。

10

因為前所受榮光的，為著此個卡大的榮光就無榮光；

11

因為衰退的若有榮光，就彼個久長佇的閣卡有榮光。

12

阮既然有此號的向望，所以真好膽來講，

13

無親像摩西用帕罩伊的面，互以色列人得通注目看到彼個衰退者的結局。

14

若是的心變做硬，到佇今仔日讀舊約的時，彼個帕猶原佇無掀開。此個帕對基督就廢去。

15

若是到今仔日，不論甚麼時讀摩西的冊，帕猶久罩佇的心。

16

獨獨不論甚麼時歸向主，帕就除去。

17

今主就是彼個神；主的神佇彼位，彼位就自由。

18

咱眾人的面無罩帕親像鏡倒照主的榮光，攏變化做伊的像，對榮光到榮光，親像對主就是神按呢。