歷代志下 第 22 章 - 台語漢字羅馬本

1

耶路撒冷徛起的百姓設立耶和蘭的煞尾子亞哈謝續接伊做王；因為隨阿拉伯人到營的軍隊有死伊許個大子。按呢，猶大王耶和蘭的子亞哈謝做王。

2

亞哈謝坐位的時四十二歲，佇耶路撒冷做王一年。伊的老母名叫亞她利雅，是暗利的查某孫。

3

伊也行亞哈的家的路；因為伊的老母指揮伊行歹。

4

伊行耶和華所看做歹的事，親像亞哈的家一樣；因為伊的老父死了後有亞哈家的人來給伊指揮，致到敗壞。

5

伊聽趁的計謀，及以色列王亞哈的子耶和蘭相及去基列的拉末，及亞蘭王哈設交戰；亞蘭人拍傷耶和蘭。

6

伊倒去耶斯列，欲醫治伊的傷就是伊佇拉末及亞蘭王哈設交戰的時所受著的，猶大王耶和蘭的子亞撒利雅落去耶斯列欲覓亞哈的子耶和蘭，因為伊有破病。

7

亞哈謝來看約蘭就抵著陷害，這是出佇上帝的意思；因為伊來，就及耶和蘭出去抵著寧示的孫耶戶。就是耶和華所抹油、互伊剪除亞哈的家的。

8

耶戶辦亞哈家的罪的時，抵著猶大許個首領及亞哈謝兄弟的子服事亞哈謝的，伊就死。

9

亞哈謝匿佇撒瑪利亞、耶戶尋伊，人掠伊，帶伊到耶戶遐，死伊，人埋葬伊；因為講，伊是彼個專心尋耶和華的約沙法的子。按呢，亞哈謝的家無有權力通保守國位的。

10

亞哈謝的老母亞她利雅看見伊的子已經死，就起來一盡剿滅猶大的王親。

11

總是王的查某子約示巴將亞哈謝的子約阿施對許個受的王子中偷抱出來，將伊及伊的奶母囥佇睏房裡。約示巴是耶和蘭王的查某子，亞哈謝的姊妹，祭司耶何耶大的某。伊對亞她利雅蓋密伊，互伊無死伊。

12

後來及相及囥佇上帝的殿歷過六年久；亞她利雅管理彼個地方。